نواز شریف کو بچانا، کے پی کے حکومت گرانا کرپٹ مولانا کے بس کی بات نہیں‘تحریک انصاف نے خواتین کو احترام اور سیاسی شعور دیا، ن لیگ نے جلسہ میں غنڈے بھیج کر عمران خان نہیں قوم کی بیٹیوں کیخلاف سازش کی‘پانا مہ معاملے پر وزیراعظم کو جانا ہی ہوگا اب پہلے جانا ہے یا بعد میں فیصلہ نواز شریف نے کرنا ہے
پنجاب اسمبلی میں قائد حزب اختلاف میاں محمو دالر شید کی میڈیا سے گفتگو
بدھ 4 مئی 2016 19:42
لاہور (اُردو پوائنٹ اخبارتازہ ترین - آئی این پی۔04 مئی۔2016ء) پنجاب اسمبلی میں قائد حزب اختلاف میاں محمو دالر شید نے کہا ہے کہ قوم کو قابض اور کرپٹ حکمرانوں سے نجات ملنے والی ہے ، نواز شریف کی ڈوبتی کشتی بچانا فضل الرحمان کے بس کی بات نہیں، مولانا کسی غلط فہمی کا شکار ہیں، پہلے نواز شریف کی محبت میں پختون قوم کا سودا کیا اب کے پی کے حکومت کیخلاف سازش کر رہے ہیں، درحقیقت حکومت کا ساتھ دیکر مولانا اپنی کرپشن چھپانا چاہتے ہیں، وزیر اعظم کی موجودگی میں پانا مہ لیکس کی شفاف تحقیقات ممکن نہیں، انہیں جانا ہو گا پہلے یا بعد میں فیصلہ نواز شریف نے کرنا ہے۔
ان خیالات کا اظہار انہوں نے گزشتہ روزپنجاب اسمبلی میں میڈیا سے گفتگو کرتے ہوئے کیا۔ میاں محمود الر شید نے کہا کہ مولانا فضل الرحمان خوفزدہ ہیں کہ کہیں کرپشن پر انکی گردن نہ دبوچ لی جائے، اسلئے وہ نواز شریف کے ساتھ کھڑے ہو گئے ہیں لیکن وہ کسی غلط فہمی کا شکار ہیں نہ تو وہ حکومت کی ڈوبتی کشتی بچا سکتے ہیں اور نہ کے پی کے حکومت گرا سکتے ہیں، خیبر پختو نخو ا ء کے عوام اصلیت جانتے ہیں انہیں پتہ ہے کہ مولانا نے پہلے نواز شریف کی محبت میں پختون قوم کا سودا کیا اب قوم کیخلاف سازش کر رہے ہیں، پانا مہ معاملے سے متعلق ایک سوال کے جواب میں میاں محمود الر شید کا کہنا تھا کہ وزیر اعظم کی موجودگی میں پانا مہ لیکس کی شفاف تحقیقات ممکن نہیں ہیں، انہیں جانا ہی ہو گا اب فیصلہ نواز شریف خود کر لیں کہ وہ پہلے جانا پسند کرینگے یا بعد میں، ایک سوال پر انہوں نے کہا کہ ن لیگ نے اپنے گلو?ں کو بھیج کر جلسے میں بد نظمی پیدا کی، تحریک انصاف نے خواتین کو سیاسی شعور اور احترام دیا، اسلام آباد کے طویل دھرنا میں خواتین سے بدتمیزی کا کوئی ایک واقعہ پیش نہیں آیا، حکومت بوکھلاہٹ کا شکار ہے، اپنی کرپشن اور پکڑے جانے کے خوف سے اوچھے اور غیر اخلاقی ہتھکنڈوں پر اتر آئی ہے اصل میں وہ تحریک انصاف نہیں قوم کی بیٹیوں کیخلاف سازش کر رہے ہیں۔(جاری ہے)
متعلقہ عنوان :
مزید اہم خبریں
-
آئی ایم ایف نے پاکستانی معیشت کی بہتری پر مثبت ردعمل دیدیا
-
اقوام متحدہ میں پاکستان کے مستقل مندوب کی ایرانی وزیر خارجہ سے ملاقات ،باہمی تعاون اورمختلف امور پر تبادلہ خیال
-
یوسف رضا گیلانی کی کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
متحدہ عرب امارات سے ترسیلات زرمیں جاری مالی سال کے پہلے9ماہ میں سالانہ بنیادوں پراضافہ
-
صدرمملکت آصف علی زرداری کی لانڈھی کراچی میں خود کٴْش دھماکے اور فائرنگ کی مذمت
-
وزیرخزانہ کی برطانوی وزیرمملکت سے ملاقات ، تعلیم اور صحت کے حوالے سے گفتگو
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، وزیر خزانہ
-
سپیکرنے سنی اتحاد کونسل کے معطل اراکین کی رکنیت بحال کرنے کی یقین دہانی کروائی ہے،شیر افضل مروت
-
مصدق ملک سے یو ای اے کے سفیر کی ملاقات ،باہمی دلچسپی کے امور پر گفتگو
-
ْترکیہ کے چیف آف جنرل سٹاف جنرل متین گورک کی وزیر دفاع سے ملاقات،دوطرفہ تعلقات پر گفتگو
-
صدارتی خطاب پر بحث کیلئے تحریک رواں سیشن کے ایجنڈے پر لائی جائیگی ، اعظم نذیر تارڑ
-
وزیراعظم کی لانڈھی میں خودکش دھماکے کی شدید مذمت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.