لاہور میں دو تعلیمی اداروں میں بم کی جھوٹی اطلاع سے بگدڑ مچ گئی ، طلبہ اور سٹاف میں خوف و ہراس پھیل گیا
بدھ 4 مئی 2016 14:03
لاہور ( اُردو پوائنٹ اخبارتازہ ترین - این این آئی۔04 مئی۔2016ء ) لاہور میں دو تعلیمی اداروں میں بم کی جھوٹی اطلاع سے بگدڑ مچ گئی ، طلبہ اور سٹاف میں خوف و ہراس پھیل گیا ، اطلاع ملنے پر پولیس کی بھی دوڑیں لگ گئیں تاہم بم ڈسپوزل سکواڈ نے اچھی طرح معائنہ کرنے کے بعد دونوں اداروں کو کلیئر قرار دیدیا جبکہ بم کی جھوٹی اطلاع دینے والے ملزم کی تلاش شروع کر دی گئی ۔
بتایا گیا ہے کہ گلشن راوی کے علاقہ میں گرلز ہائی سکول کی عمارت میں بم کی افواہ موصول ہوئی جس کے بعد سکول کو خالی کرا لیا گیا ۔ اس حوالے سے ذرائع نے بتایا کہ کسی نامعلوم شخص نے لینڈ لائن نمبر سے فون کر کے سکول میں بم کی موجودگی کی اطلاع دی جس کے بعد سکول میں موجود طلبہ اور عملے کے ارکان میں بھگدڑ مچ گئی ۔(جاری ہے)
سکول انتظامیہ نے فوری طور پر تمام طلبہ کو سکول کی عمارت سے باہر نکال دیا اور بم ڈسپوزل سکواڈ کو اطلاع دی ۔
جس کے بعد بم ڈسپوزل سکواڈ اور پولیس کی بڑی تعداد سکول پہنچ گئی ۔ بم ڈسپوزل سکواڈ نے عمارت کا اچھی طرح معائنہ کرنے کے بعد اسے کلیئر قرار دے دیا ۔اطلاع ملنے پر والدین کی کثیرتعداد اپنے بچوں کی خیریت معلوم کر نے پہنچ گئی ۔ ذرائع کے مطابق حمایت اسلام کالج چوک یتیم خانہ میں بھی وہی نمبر سے بم کی جھوٹی اطلاع دی گئی جس پر فوری پولیس کو اطلاع دی گئی ۔ پولیس اور بم ڈسپوزل سکواڈ نے موقع پر پہنچ کر مکمل سویپنگ کے بعد کالج کو بھی کلیئر قرار دیدیا ۔ ان دونوں واقعات کے بعد لاہور میں پولیس کی دوڑیں لگ گئیں جبکہ طلبہ اور سٹاف میں بھی خوف و ہراس پھیل گیا ۔اس حوالے سے ڈی آئی جی آپریشز ڈاکٹر حید ر اشرف نے کہا کہ بم کی اطلاع ملی تھی جو کہ جھوٹی ثابت ہوئی ،فون کال ٹریس کرنے کی کوشش کی جا رہی ہے ،جھوٹی اطلاع دے کر طلبہ اور شہریوں میں خوف و ہراس پھیلانے کے الزام میں نامعلوم شخص کیخلاف دہشتگردی ایکٹ کے تحت مقدمہ درج کریں گے ۔متعلقہ عنوان :
مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.