میری مذاکرات کی پیشکش کا مذاق اڑا کر رابطہ کمیٹی نے ثابت کرد یا انہیں قوم سے زیادہ ایک شخص عزیز ہے ، آفاق احمد
اب یقینا قوم سمجھ گئی ہوگی کون کراچی کے حالات بہتر کرنا اور کون جوں کے توں رکھ کر تباہی و بربادی کا کھیل جاری رکھنا چاہتا ہے ، متحدہ سے مہاجر قومی موومنٹ میں شمولیت اختیار کرنے والے افراد سے گفتگو
منگل 3 مئی 2016 22:20
کراچی(اُردو پوائنٹ اخبارتازہ ترین - آن لائن۔03 مئی۔2016ء) مہاجر قومی موومنٹ (پاکستان) کے چیئرمین آفاق احمد نے کہا کہ کراچی سے تصادم کی فضا کے خاتمے اور مہاجر قوم کے مسائل حل کرنے کیلئے میری مذاکرات کی پیشکش کا مذاق اڑا کر رابطہ کمیٹی نے ثابت کردیا کہ انہیں قوم سے زیادہ ایک شخص عزیز ہے ،اب یقینا قوم سمجھ گئی ہوگی کہ کون کراچی کے حالات بہتر کرنا اور کون جوں کے توں رکھ کر تباہی و بربادی کا کھیل جاری رکھنا چاہتا ہے ۔
اپنی رہائش گاہ پر متحدہ سے مہاجر قومی موومنٹ میں شمولیت اختیار کرنے والے افراد سے گفتگو کرتے ہوئے چیئرمین آفاق احمد نے کہا کہ شخصیت پرستی کسی بھی قوم کیلئے تباہی کا باعث ہے اس لئے اگر اپنی قوم کا سہارا بننا ہے تو خود کو شخصیت کے بجائے نظریہ سے جوڑنا ہوگا کیونکہ قومیں نظریہ کی بنیاد پر ہی تشکیل پاتی اور قائم رہتی ہیں ۔(جاری ہے)
آفاق احمد نے کہا کہ اسوقت حالات اچھے نہیں ہیں، کسی ایک شخص کی غلطی اور ملک دشمنی کی بنیاد پر پوری مہاجر قوم اور مہاجر نوجوانوں پر راء سے تعلقات کی تہمت لگانے والوں کو اپنی اصلاح کرنی چاہئے ۔
آفاق احمد نے کہا کہ ہمیں صرف اپنی قوم کا مستقبل عزیز ہے ،قوم کو بچانے کیلئے جہاں تک ہوسکا کوششیں کریں گے اور اس کوشش پر تنقید سے ہمارا عزم اور حوصلہ کمزور نہیں ہوگا کیونکہ نامساعد حالات اور دشواریوں کا سامنا کرنے کا حوصلہ ناصرف موجود ہے بلکہ ہمیشہ ثابت بھی کیا ہے ۔آفاق احمد نے کہا کہ متحدہ کی غلط پالیسیوں اور کارکنوں کو تصادم کی سیاست کا ایندھن بنانے کی وجہ سے لوگ اسے چھوڑ کر اگر مہاجر قومی موومنٹ میں شمولیت اختیار کررہے ہیں تو اس پر خفا ہونے کی بجائے متحدہ کو اپنے رویئے درست کرنے چاہئے ،مہاجر قومی موومنٹ کے ساتھ صرف مہاجر نظریہ کی بنیاد پر جڑا جاسکتا ہے اور سیکڑوں لوگوں کی شمولیت نے ثابت کردیا ہے آج بھی مہاجر نظریہ پر کاربند نوجوانوں کی کمی نہیں ۔آفاق احمد نے کہا کہ قوم کے بہتر مستقبل اور تصادم کی سیاست دفن کرنے کیلئے مہاجر قومی موومنٹ کے دروازے سب کیلئے کھلے ہیں ،ہر وہ شخص جو تنظیمی سوچ و فکر کا مالک اور قوم کا درد رکھتا ہو اسے کھلے دل سے قبول کریں گے۔انہوں نے مزید کہا کہ ہماری مذاکرات کی پیشکش کا مذاق اڑانے والوں کا طرز عمل قوم کے سامنے ہے قوم اچھی طرح جان گئی ہے کہ کون شہر کا امن بحال اور کون تباہ کرنا چاہتا ہے ،مہاجر عوام اپنے بچوں کو محاذ آرائی کا ایندھن بننے سے بچائیں اور روشن و محفوظ مستقبل کیلئے سوچ سمجھ کر فیصلہ کریں ،مہاجر قومی موومنٹ انکے ہر درست فیصلے میں انکے ساتھ کھڑی ہوگی ۔مزید قومی خبریں
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.