رواں مالی سال کے پہلے 6ماہ کے دوران کنزیومر فنانسنگ 11.4ارب روپے ریکارڈ کی گئی
منگل 3 مئی 2016 17:31
اسلام آباد ۔ 3 مئی (اُردو پوائنٹ اخبارتازہ ترین - اے پی پی۔03 مئی۔2016ء) پاکستان میں رواں مالی سال کے پہلے 6ماہ کے دوران کنزیومر فنانسنگ 11.4ارب روپے ریکارڈ کی گئی۔ سٹیٹ بینک آف پاکستان کی رپورٹ کے مطابق گزشتہ مالی سال کے اسی عرصہ میں 12.3ارب روپے کی کنزیومر فنانسنگ ہوئی۔ رپورٹ میں کہا گیا ہے کہ رواں مالی سال کی دوسری سہ ماہی میں کنزیومر فنانسنگ میں نمایاں بہتری آئی ہے جو اس دوران 16.3ارب تک بڑھ گئی جبکہ مالی سال 2014-15ء کی دوسری سہ ماہی میں کنزیومر فنانسنگ 6.8ارب روپے تھی۔
اسی طرح آٹو فنانسنگ رواں سال کی پہلی ششماہی میں 3.3ارب روپے تک بڑھی ہے جو اس سے پچھلے سال کے اسی عرصہ میں 7.4ارب روپے تھی۔ ہاؤس بلڈنگ کے قرضوں میں بھی نمایاں بہتری آئی اور رواں مالی سال کے پہلے 6ماہ کے دوران ان میں 2.7ارب روپے کا اضافہ ہوا جو گزشتہ سال کے اس عرصہ میں 0.2 ارب روپے تھا۔(جاری ہے)
مالی سال 2010ء کے بعد سے گاڑیوں اور مکانات کے لئے قرضوں میں اضافہ کا رجحان دیکھا گیا جس کی وجہ شرح سود میں کمی بتائی گئی ہے جبکہ سٹیٹ بینک آف پاکستان نے 9سال تک پرانی گاڑیوں کی فنانسنگ کی بھی اجازت دی ہے۔
دستیاب اعدادوشمار سے یہ ظاہر ہوتا ہے کہ آٹو فنانسنگ سے مقامی کار اسمبلرز کی سیلز میں اضافہ ہوا ہے۔ دریں اثنا مینوفیکچرنگ شعبہ کے لئے قرضوں میں 9.6فیصد اضافہ ریکارڈ کیا گیا ہے جو اس سے پچھلے سال 7فیصد تھا۔ اس سے استفادہ کرنے والوں میں ٹیکسٹائل اور کیمیکل کے شعبے نمایاں ہیں۔ ٹیکسٹائل کے لئے قرضوں میں مجموعی اضافہ 82.6ارب روپے ہوا جو پچھلے سال کے اسی عرصہ میں 57.7ارب روپے تھا۔مزید قومی خبریں
-
میں نے خود بانی پی ٹی آئی کو کہتے سنا ہے کہ اپوزیشن کو پھانسی لگا دیتے ہیں، ندیم افضل چن
-
وزیراعلیٰ مریم نوازشریف کا گجرات میں عزیزبھٹی شہید ٹیچنگ ہسپتال میں چھت گرنے کے واقعہ کا نوٹس
-
لڑکے اورلڑکی کی کم ازکم شادی کی عمر 18سال قرار ، چائلڈ میرج بل سیکرٹری ہوم ڈیپارٹمنٹ کو ارسال
-
آئی جی پنجاب ڈاکٹر عثمان انور کا مظفر گڑھ میں شادی کا جھانسہ دے کر طالبہ سے زیادتی کے واقعہ کا نوٹس
-
پولیس نے چارملزمان کوگرفتارکرکے 38 لٹر دیسی شراب برآمد کرلی
-
پی ٹی آئی کے نئے انٹرا پارٹی انتخابات پر بھی اعتراضات عائد، 30 اپریل کو پیشی کا نوٹس جاری
-
پی ٹی آئی کی پانچ فرنچائز ہیں ہر کسی کا اپنا مؤقف ہے،ندیم فضل چن ، فیصل کریم کنڈی
-
گزشتہ 4سال نئی اسکیمز میں وفاق نے سندھ کو نظر انداز کیا، وزیر اعلی سندھ کا وزیراعظم سے شکوہ
-
تیز رفتار کار فٹ پاتھ پر سوئے افراد پر چڑھ گئی، 6 افراد زخمی
-
بیوی سے پریشان ہو کر خودکشی کا ڈرامہ کرنے والا شوہر زیر حراست
-
ایرانی صدر نے امید ظاہر کی کہ ایم او یوز پر شہباز اسپیڈ سے کام ہو گا: گورنرسندھ
-
شہبازشریف نے نواز شریف کو دھوکا دے کر وزارت عظمٰی چھین لی، لطیف کھوسہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.