حکومت پسے ہوئے طبقات کی بحالی کے لئے ہر ممکن اقدامات کررہی ہے، شیخ آفتاب احمد
اتوار 1 مئی 2016 17:33
اٹک (اُردو پوائنٹ اخبارتازہ ترین - آن لائن۔01 مئی۔2016ء)وزیر مملکت برائے پارلیمانی امور شیخ آفتاب احمد نے کہا ہے کہ حکومت پسے ہوئے طبقات کی بحالی کے لئے ہر ممکن اقدامات کررہی ہے -جس کے تحت بھٹہ مزدور جو معاشرے کا نہایت ہی پسماندہ طبقہ ہے اس کی بحالی اور خوشحالی کے لئے ان کے بچوں کی تعلیم کے لئے ان میں خدمت کارڈ تقسیم کئے جارہے ہیں -انہوں نے کہا کہ مسلم لیگ کی حکومت نے اس سے قبل بھی عوامی فلاح کے بے شمار منصوبے مکمل کئے -یہ اسی سلسلے کی ایک کڑی ہے -انہوں نے کہا کہ وزیر اعلی پنجاب میاں محمد شہباز شریف کے ویژن کے تحت یہ خصوصی اقدامات کئے جارہے ہیں انہوں نے ان خیالات کا اظہار یوم مئی کے موقع پر بھٹہ مزدوں میں خدمت کارڈ کی تقسیم کی تقریب میں بطور مہمان خصوصی خطاب میں کیا -یہ تقریب ضلع کونسل ہال اٹک میں منعقد ہوئی -اس تقریب میں ڈی سی او اٹک رانا اکبر حیات, اے سی اٹک سید نظارت علی, ڈی او سی فضل اکبر, ای ڈی ایجوکیشن چوہدری خالد محمودکے علاوہ ضلع میں دیگر محکموں کے سربراہان بھی موجود تھے شیخ آفتاب احمد نے کہا کہ وزیر اعلی پنجاب میاں محمد شہباز شریف نے اس سلسلے میں ایک اہم پالیسی کی منظوری دی ہے جس کے تحت اینٹوں کے بھٹوں پر کام کرنے والے بچوں کو مفت تعلیم فراہم کرنا اور چائیلڈ لیبر کا خاتمہ ہے -اس سلسلے م یں 4-سے 14-سال کے بچوں کو سکولوں میں مفت داخلہ دیا جائے گا -ہر بچے کے والدین کو سکولوں میں داخلے کے اقدام کے طور پر دو ہزار روپے دیئے جائیں گے -اس کے علاوہ بچے کی سکول کی حاضری 75-فیصد ہونے کی صورت میں ہر ماہ ایک ہزار روپے وظیفہ دیا جائے گا -ہر بچے کو سکول یونیفارم, کتابیں, سکول بیگ اور دیگر سٹیشنری کی اشیاء دی جائیں گی -یہ اسی سلسلے کا آج پہلا پروگرام ہے -اس کے علاوہ ان بچوں کے والدین میں آج خدمت کارڈ تقسیم کئے جارہے ہیں اس موقع پر ڈی سی اٹک نے بھی خطاب کیا اور انہوں نے بتایا کہ خدمت کارڈ کے حوالے سے ضلع اٹک میں 148-گھرانوں میں پہلے مرحلے میں یہ خدمت کارڈ تقسیم کئے جارہے ہیں جن سے تقریبا تین سو بچے مستفید ہونگے -اور یہ عمل اس کے بعد بھی جاری رہے گا -تقریب کے اختتام پر وزیر مملکت شیخ آفتاب احمد اور ڈی سی اٹک رانا اکبر حیات نے بھٹہ مزدوروں میں خدمت کارڈ تقسیم کئے -
مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.