دہشتگردی کے واقعات میں ہمارے اپنے ہی لوگ ملوث ہیں جو بیرونی قوتوں کے آلہ کار بنے ہوئے ہیں آئی جی سندھ

سندھ پولیس میں غیر قانونی بھرتیوں کی مکمل تحقیقات کرائی جائیں حکومت کے اعتماد پرپورا اترنے کی کوشش کریں گے اے ڈی خواجہ کی میڈیا سے گفتگو

اتوار 1 مئی 2016 13:49

ٹنڈو محمد خان(اُردو پوائنٹ اخبارتازہ ترین - این این آئی۔01 مئی۔2016ء) آئی جی سندھ پولیس اے ڈی خواجہ نے کہاہے کہ دہشتگردی کے واقعات میں ہمارے اپنے ہی لوگ ملوث ہیں جو بیرونی قوتوں کے آلہ کار بنے ہوئے ہیں۔آئی جی سندھ پولیس اے ڈی خواجہ کا میڈیا سے بات چیت کرتے ہوئے کہاکہ سندھ حکومت کے اعتماد پرپورا اترنے کی کوشش کریں گے، جن اضلاع میں غیر قانونی بھرتیاں ہوئیں ہیں وہاں پر اصل حق مقامی نوجوانوں کا ہے اس لئے سندھ پولیس میں غیر قانونی بھرتیوں کی مکمل تحقیقات کرائی جائیں گی۔

(جاری ہے)

انہوں نے کہاکہ دہشت گردی کے واقعات میں ہمارے اپنے ہی لوگ ملوث ہیں جو بیرونی عناصر کے آلہ کار بنے ہوئے ہیں، ان دہشت گردوں کے خلاف کاروائیاں جاری رہیں گی۔اے ڈی خواجہ نے کہا کہ سندھ پولیس کو جدید طرز پرمنظم کیا جا رہا ہے اور بہت پر امید ہیں کہ عوام کے تعاون سے جرائم پر قابو پالیں گے۔ سماجی برائیوں پرقابو پانے کے حوالے سے آئی جی سندھ نے کہاکہ ایسے جرائم سے بچنے کے لیے قانون سازی کی اشد ضرورت ہے، جرائم پر قابو پانے کے لے ضلعی سطح پر شہریوں اور پولیس کی مشترکہ کمیٹیاں بھی قائم کی جائیں گی۔

متعلقہ عنوان :