کراچی میں بھائی کے ہاتھوں بہن کے قتل کی تفتیش نے نیا رخ اختیار کر لیا

بیٹے کو معاف کرنے والے والد کو بھی پولیس نے گرفتار کر لیا ، والد نے بیٹی کو قتل کرنے کیلئے اپنے بیٹے کو اشتعال دلایا، ایس ایس پی

ہفتہ 30 اپریل 2016 16:30

کراچی میں بھائی کے ہاتھوں بہن کے قتل کی تفتیش نے نیا رخ اختیار کر لیا

کراچی(اُردو پوائنٹ اخبارتازہ ترین - این این آئی۔30 اپریل۔2016ء) کراچی میں بھائی کے ہاتھوں بہن کے قتل کی تفتیش نے نیا رخ اختیار کر لیا ہے، بیٹے کو معاف کرنے والے والد کو بھی پولیس نے گرفتار کر لیا ہے۔تفصیلات کے مطابق مومن آباد میں غیرت کے نام پر بھائی کے ہاتھوں بہن کے قتل پر پولیس نے بھائی کو گرفتار کر لیا تھا۔

(جاری ہے)

تاہم، بیٹی سمیرا کے قتل پر والد نے اپنے بیٹے کو معاف کر دیا تھا۔

ایس ایس پی انویسٹی گیشن ویسٹ اختر فاروق کے مطابق بیٹے کو معاف کرنے والے والد عنایت کو بھی گرفتار کر لیا گیا ہے، والد نے بیٹی کو قتل کرنے کیلئے اپنے بیٹے کو اشتعال دلایا۔ ایس ایس پی کے مطابق مومن آباد میں درج مقدمے میں انسداد ہشتگردی کی دفعات کا بھی اضافہ کر دیا گیا ہے، والد عنایت کے خلاف بھی سخت کارروائی کی جائے گی۔

متعلقہ عنوان :