چینی لبریشن آرمی کی دراندازی ملکی سلامتی کیلئے خطرہ ہے‘ منوہر پاریکر
ہند چین اور ہند پاک سرحدوں کو محفوظ رکھنے کیلئے فوج کو جدید ہتھیاروں سے لیس کیا جا رہا ہے‘ پارلیمنٹ میں بیان
ہفتہ 30 اپریل 2016 14:39
نئی دہلی (اُردو پوائنٹ اخبارتازہ ترین - آن لائن۔30 اپریل۔2016ء) لداخ میں چینی فوج کی دراندازی کو باعث تشویش قرار دیتے ہوئے بھارتی وزیر دفاع منوہر پاریکر نے کہا ہے کہ ہند چین اور پاک بھارت سرحدوں کو محفوظ بنانے کیلئے فوج کو جدید ہتھیاروں سے لیس کیا جا رہا ہے۔ بھارتی میڈیا کے مطابق پارلیمنٹ سے خطاب کرتے ہوئے بھارتی وزیر دفاع منوہر پاریکر نے کہا کہ لداخ خطے میں لائن آف ایکچول کنٹرول پر چینی فوج کی دراندازی کے کئی ایک واقعات رونما ہوئے ہیں انہوں نے کہا کہ سرحدی تنازعات اور نشاندہی نہ ہونے کی وجہ سے صورتحال مختلف ہو جاتی ہے جس کو دیکھتے ہوئے ہم نے اپنی فوج کا لائن آف کنٹرول پر گشت تیز کر دیا ہے۔
انہوں نے کہا کہ فوج کو جدید ہتھیاروں سے لیس کیا جا رہا ہے اور اس ضمن میں جدید ٹیکنالوجی بھی فراہم کی جا رہی ہے تاکہ وہ ہر سطح پر اس کو روک سکیں۔(جاری ہے)
پٹھان کوٹ حملے کے حوالے سے انہوں نے کہا کہ اس حملے کے بعد ہم نے اپنی سرحدیں مکمل طور پر سیل کر رکھی ہیں اور اس طرح کے مزید حملوں کو روکنے کیلئے بھی منصوبہ بندی کی ہے۔ مرکزی وزیر دفاع کا مزید کہنا تھا کہ بی ایس ایف کو اس بات کی بھی ہدایت دی گئی ہے کہ وہ سرحدوں پر مزید چوکسی برتے اور یہاں تک کہ بین الاقوامی سرحد کے ساتھ ساتھ کنٹرول لائن کو بھی سیل کریں۔
ذرائع کا کہنا ہے کہ وزیر دفاع نے فوج کو ہدایت دی ہے کہ کسی بھی امکانی صورتحال سے نمٹنے کیلئے تیاری کی حالت میں رہیں۔ منوہر پاریکر نے پارلیمنٹ کو یقین دلایا کہ ملک کی سرحدیں محفوظ ہیں اور ملکی سلامتی کو کوئی خطرہ نہیں ہے کیونکہ فوج پوری طرح سے چوکس ہے اور کسی بھی داخلی یا خارجی حملے کا جواب دینے کی پوری صلاحیت رکھتی ہے۔ انہوں نے کہا کہ ریاست جموں و کشمیر کے اندر بھی کنٹرول لائن پر فوج کو چوکس رہنے کی ہدایت دی گئی ہے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.