ملکی ترقی کا ایجنڈا لیکر آئے ہیں فضول کاموں کے لئے وقت نہیں قوم دھرنے والوں سے خود نمٹیں گے ‘خواجہ عمران

لاہور(اُردو پوائنٹ اخبارتازہ ترین - این این آئی۔28 اپریل۔2016ء ) پاکستان مسلم لیگ(ن) لاہور کے جنرل سیکرٹری و ممبر پنجاب اسمبلی خواجہ عمران نذیر نے کہا ہے کہ ہم ملک اور عوام کی ترقی کا ایجنڈا لیکر آئے ہیں گالیاں نہیں ، ہمارے پاس فضول کاموں کے لئے وقت نہیں قوم دھرنے والوں سے خود نمٹیں گے۔دن کے وقت وزارت عظمیٰ کا خواب دیکھنے والے سن لیں 2018ء ملک سے اندھیرے ختم اور اجالے ہی اجالے ہوں گے ایک نیا پاکستان ترقی کی راہ پر گامزن ہوگا،ٹانگیں کھینچنے والوں کو عوام اٹھا کر باہر پھینک دیں گے ، اورنج لائن میٹرو ٹرین منصوبہ ملکی ترقی کے لئے اہم سنگ میل ثابت ہو گا اس سے خوشحالی آئے گی ۔

ان خیالات کا اظہار انہوں نے گذشتہ روز غازی روڈ پر مقامی شادی ہال میں میٹرو ٹرین آگاہی سیمینار سے خطاب کرتے ہوئے کیا ۔

(جاری ہے)

اس موقع پر ارکان پنجاب اسمبلی یٰسین سوہل ، میاں نصیر ، حاجی اقبال ،رانا تنویر،چوہدری سجاد ،وسیم الحق،سید اخلاص حسین شاہ،چوہدری سردار،شیخ شاہد،عباد محمود قریشی سمیت دیگر بھی موجود تھے۔ ارکان پنجاب اسمبلی یٰسین سوہل ، میاں نصیر نے اپنے خطابات میں کہا کہ عمران خان اقتدار کے لالچ میں اندھے ہو چکے ہیں ،وہ سن لیں کہ انتخابات2018ء میں ہی ہوں گے ، وزیر اعظم میاں نواز شریف کی قیادت میں ملک معاشی لحاظ سے ترقی یافتہ ممالک کی صف میں شامل ہو رہا ہے۔

مخالفین نے عوام کے لئے کچھ نہیں کیا، وہ خوف زدہ ہیں ، انہیں اپنا سیاسی مستقبل تاریک نظر آرہا ہے اسی لئے وہ مختلف ڈراموں کے ذریعے عوام کو ورغلانا چاہتے ہیں عوام انکی کسی بھی چال میں نہیں آئیں گیانشاء اللہ مسلم لیگ ن اپنی کارکردگی پر2018ء کا الیکشن بھی جیتے گی۔