” داعش“ جان بچانے اور پسپائی اختیار کرنے کی حکمت عملی اپنارہی ہے:امریکی حکام کا دعوی
میاں محمد ندیم جمعرات 28 اپریل 2016 11:55
واشنگٹن(اردو پوائنٹ اخبارتازہ ترین-انٹرنیشنل پریس ایجنسی۔28اپریل۔2016ء) امریکی حکام نے دعوی کیا ہے کہ” داعش“واضح طور پر جان بچانے اور پسپائی اختیار کرنے کی حکمت عملی اپنارہی ہے لیکن خطرہ ابھی بھی باقی ہے۔ یہ بات امریکہ اور داعش کے انسداد سے متعلق اتحاد کے دو درجن کے قریب دیگر ارکان نے کہی ہے جس کا اجلاس کویت میں منعقدہوا ایک مشترکہ بیان میں داعش کے شدت پسند گروپ کے انسداد کے لیے کارفرما چھوٹے اتحاد نے انتہاپسند گروپ کی جانب سے بیلجئم اور تیونس میں حالیہ حملوں کا حوالہ دیا گیا ہے جو شدت پسند گروپ کے خطرناک عزائم کا ثبوت فراہم کرتا ہے۔
گروپ کا کہنا ہے کہ ہم سمجھتے ہیں کہ اس کی دیرپہ شکست کے لیے طویل مدت اور مشکل کام درکار ہے۔ داعش کو قابل ذکر حد تک کمزور کیا جاچکا ہے۔(جاری ہے)
انہوں نے بتایا کہ داعش تیزی سے اپنے راہنما کھو رہی ہے، جب کہ اس کے لڑاکوں کی ایک بڑی تعداد ختم ہوچکی ہے۔ادارے کے امریکی وفد کی قیادت داعش کے انسداد کے عالمی اتحاد کے خصوصی ایلچی بریٹ میک گرک کررہے تھے۔
کویتی خبرساں ادارے نے خبر دی ہے کہ اتحاد کی جانب سے ہونے والی فضائی کارروائی کے نتیجے میں داعش کے وسائل ختم ہوتے جا رہے ہیں جب کہ اس کی تیل کی پیداوار میں کم از کم 30 فی صد کمی واقع ہوئی ہے۔امریکی محکمہ خارجہ کے ایک اعلیٰ اہل کار نے کہا ہے کہ گروپ نے عراق اور شام میں داعش کے خلاف جاری کارروائی کے تمام پہلووں پر غور کیا۔حالیہ ہفتوں کے دوران، عراقی افواج نے داعش کے زیر تسلط باقی ماندہ علاقے میں پیش رفت حاصل کی ہے۔ لیکن، عالمی طاقتوں نے تشویش کا اظہار کیا جبکہ کہ بغداد میں سیاسی تناو کے نتیجے میں اس پیش رفت کو دھچکہ پہنچنے کا خدشہ ہے۔اپنے بیان میںگروپ نے کہا ہے کہ اصلاحات کے معاملے کو جاری رکھنے کے عزم کے اظہار اور سب کی شراکت سے اور قومی مفاہمت کو مد نظر رکھتے ہوئے ایک مربوط مکالمے کو جاری رکھا جائے۔شام میں، کمزور جنگ بندی میکں بکھرنے کے آثار نمایاں ہیں، کسی حد تک اس لیے کہ روسی حمایت یافتہ شام کی حکومت باغیوں کو ہدف بنانے کے لیے بم حملے جاری رکھے ہوئے ہے۔گروپ نے کہا ہے کہ ہم بلا امتیاز بم باری کے خاتمے، اور انسانی ہمدردی کی بنیاد پر دی جانے والی امداد کو جان بوجھ کر روکنے کے حربوں کااستعمال بند کرنے کا مطالبہ کیا، جو شام کی حکومت کی بنیادی ذمہ داری ہے۔گروپ کی پچھلی ملاقات فروری میں روم میں ہوئی تھی، جب وزارتی سطح کا اجلاس ہوا تھا، جس میں امریکی وزیر خارجہ جان کیری شریک ہوئے تھے۔ اس کا اگلہ اجلاس جولائی میں واشنگٹن میں ہوگا۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.