پاکستان کے تجارتی بائنگ مشن کی ” بیوٹی یوروایشیاء2016“ نمائش میں شرکت
بدھ 27 اپریل 2016 16:20
کراچی(اُردو پوائنٹ اخبارتازہ ترین - این این آئی۔27 اپریل۔2016ء)ترکش تاجروصنعتکاروں نے پاکستانی تاجروں کے ساتھ جوائنٹ وینچراور سرمایہ کاری کی خواہش کا اظہار کرتے ہوئے پاکستان کوتجارتی لحاظ سے پرکشش ملک قرار دیا ہے۔استنبول میں منعقد ہونے والی ” بیوٹی یوروایشیاء2016“ نمائش کے موقع پرترکش تاجروں اور پاکستانی تاجروں کے درمیان کاروباری امور پر تفصیلی تبادلہ خیال ہو ا جس میں دوطرفہ تجارت اور درآمدی و برآمدی سرگرمیوں کو فروغ دینے پر اتفاق کیا گیا۔
پاکستان میں ترکی کے سفارتخانے اور استنبول کیمیکلز ایکسپوٹرز ایسوسی ایشن کی دعوت پر پاکستان کے6رکنی تجارتی بائنگ مشن نے انڈینٹرز انڈینٹرز ایسوسی ایشن آف پاکستان (آئی اے او پی) کے سابق چیئرمین ثاقب فیاض مگوں کی سربراہی میں نمائش میں شر کت کی اور صنعتی خام مال ، کاسمیٹکس سمیت کیمیکلز اور دیگر آئٹم کا جائزہ لیا ۔(جاری ہے)
بائنگ مشن نے ترکش تاجروں اور مینوفیکچررز کے ساتھ بزنس ٹو بزنس میٹنگز بھی کیں جس میں پاکستان کی برآمدی صنعتوں اور درآمد کنندگان کی ضروریات کے مطابق خام مال و دیگر آئٹمزکی دستیاب قیمتوں پر گفت و شنید کی گئی جس کا مقصد صنعتوں کے درآمدی خام مال سمیت دیگر آئٹمز کے مناسب داموں سودے طے کروانے میں پاکستانی درآمد کنندگان اور برآمدی صنعتوں کی معاونت کرناتھا۔
آئی اے او پی کے تجارتی بائنگ مشن کے سربراہ ثاقب فیاض مگوں نے وطن واپسی پر دورہ ترکی کی تفصیلات بیان کرتے ہوئے کہاکہ بائنگ مشن نے مختلف صنعتی یونٹس کا دورہ کرتے ہوئے ترکش تاجروصنعتکاروں کو پاکستان کے برآمدی شعبے کے بارے میں آگاہی فراہم کی اور صنعتی پیداواری خام مال کی درآمد کے حوالے سے بھی تبادلہ خیال کیا جبکہ ترکی کے کیمیکلز ایکسپورٹرز ایسوسی ایشن کے سربراہ مہمت کرک کوبان سے ملاقات کے علاوہ دیگر تجارتی تنظیموں کے نمائندوں کے ساتھ بھی بزنس ٹو بزنس میٹنگز کی گئیں۔انہوں نے مزید کہاکہ نمائش میں ترکی کے کیمیکلز،کاسمیٹکس سیکٹرکے علاوہ معیشت کے مختلف شعبوں سے سے تعلق رکھنے والے تاجروں و صنعتکار بھی شریک ہوئے جن کے ساتھ سیر حاصل گفتگو کی گئی جبکہ بائنگ مشن نے ترکش تاجروں کو پاکستان میں عنقریب ہونے والی کیمیکلز اینڈ ڈائز کی نمائش میں شرکت کی بھی دعوت دی جسے ترکش تاجروں نے قبول کرتے ہوئے نمائش میں شرکت کی یقین دہانی کروائی ۔ ثاقب فیاض مگوں نے دورہ ترکی کو کاروباری لحاظ سے انتہائی اہم قرار دیتے ہوئے کہا کہ پاکستانی صنعتوں کو سستے داموں خام مال فراہمی اور درآمد کنندگان کو طلب کے مطابق آئٹمز کے سودے طے ہونے سے یقینی طور پر برآمدی صنعتوں کی پیدواری اور درآمدی لاگت میں نمایاں کمی واقع ہو گی جس سے ملکی معیشت پر مثبت اثرات مرتب ہوں گے اور ملکی برآمدات کو فروغ دینے میں خاطر خواہ مدد میسر آئے گی۔ان کا کہنا تھا کہ وفد نے چین کا بھی دورہ کیا جہاں چینی تاجروصنعتکاروں کے ساتھ بزنس میٹنگز کے علاوہ کاروباری و نعتی یونٹس کا بھی دورہ کیا گیا تاکہ اشیاء کے معیار اور قیمتوں کا جائزہ لیاجاسکے۔مزید تجارتی خبریں
-
100اور 1500روپے والے قومی انعامی بانڈز کی قرعہ اندازی15مئی کوہوگی
-
ملک میں سولر پینل کی قیمتیں مزید کم ہوگئیں
-
متحدہ عرب امارات میں کام کرنے والے پاکستانیوں کی ترسیلات زر میں رواں مالی سال کے پہلے 10 ماہ میں سالانہ بنیادوں پر 5فیصد اضافہ ریکارڈ
-
برائلر گوشت کی قیمت میں32روپے کلو اضافہ
-
100اور1500والے بانڈز کی قرعہ اندازی15مئی کو ہو گی
-
پاکستان سٹاک ایکسچینج کا 100 انڈیکس 73357پوائنٹ کی نفسیاتی حد عبور کرگیا
-
انٹربینک مارکیٹ میں ڈالر کی قدر میں اضافہ اوپن مارکیٹ میں کمی
-
ملک میں سونے کی قیمت 2 لاکھ 39 ہزار 200 روپے فی تولہ برقرار
-
انٹربینک مارکیٹ میں امریکی ڈالر کے مقابلے میں پاکستانی روپے کی قیمت میں کمی ریکارڈ
-
بھارتی پیاز کے آتے ہی ملک میں پیاز کی قیمت میں 50 فیصد کمی‘ نجی ٹی وی
-
برائلر گوشت اور فارمی انڈوں کے نرخ
-
پاکستان سٹاک ایکسچینج میں مندی کارحجان، انڈیکس 159.38 پوائنٹ کی کمی کے بعد 72601.82 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.