علاقائی امن کے لئے افغانستان میں تنازعات کا خاتمہ ناگزیر ہے‘ پاکستان
بدھ 27 اپریل 2016 13:25
میساچوسٹس (اُردو پوائنٹ اخبارتازہ ترین - آئی این پی۔27 اپریل۔2016ء) اقوام متحدہ میں پاکستان کی مستقل مندوب ڈاکٹر ملیحہ لودھی نے دہشت گردی کے خاتمے کو قومی ترجیح قرار دیتے ہوئے کہا ہے کہ علاقائی امن کے لئے افغانستان میں تنازعات کا خاتمہ ناگزیر ہے‘ بھارت سے برابری کی بنیاد پر بہتر تعلقات خطے میں امن کے لئے ضروری ہیں‘ پاکستان کی خارجہ پالیسی کثیر الجہت ہے‘ علاقائی ترقی کے لئے معاشی تعاون اور روابط کا فروغ ترجیحات میں شامل ہے‘ علاقائی اقتصادی تعاون کے لئے پاک چین اقتصادی راہداری منصوبہ گیم چینجر ثابت ہوگا۔
وہ گزشتہ روز ہاورڈ یونیورسٹی کی تقریب سے خطاب کررہی تھیں۔ ملیحہ لودھی نے کہا کہ پاکستان کے چین کے ساتھ تضویراتی اور تاریخی تعلقات ہیں پاکستان کی خارجہ پالیسی میں علاقائی اور عالمی ایجنڈے قومی ترجیحات کا عکاس ہیں۔(جاری ہے)
معیشت کی بحالی ‘ دہشت گردی کا خاتمہ ‘ تضویراتی صلاحیت کا تحفظ اور علاقائی امن و استحکام پاکستان کی ترجیحات میں شامل ہے۔
انہوں نے کہا کہ علاقائی امن کے لئے افغانستان میں تنازعات کا خاتمہ ناگزیر ہے۔ پاکستان اور بھارت کے درمیان برابری کی سطح پر بہتر تعلقات خطے میں امن کے لئے ضروری ہیں۔ ملیحہ لودھی نے کہا کہ قومی ترجیحات کے باعث پاکستان کی خارجہ پالیسی کثیر الجہت ہوگئی ہے۔ علاقائی معاشی تعاون اور روابط کا فروغ بھی پاکستان کی ترجیح ہے۔ ترقی کے اہداف کے حصول کے لئے علاقائی روابط کے منصوبوں پر عمل کیا جارہا ہے جس کے لئے پاک چین اقتصادی راہداری منصوبہ گیم چینجر ثابت ہوگا۔ انہوں نے کہا کہ گزشتہ برسوں میں پاکستان اور چین کے درمیان دو طرفہ تعاون وسعت اختیار کرچکا ہے۔ روایتی دفاعی تعاون اب سرمایہ کاری اور اقتصادی تعاون تک بڑھ چکا ہے۔ چین کے عالمی اقتصادی قوت بننے کے بعد پاک چین شراکت داری کو انتہائی اہمیت حاصل ہے۔ اقتصادی راہداری ایک خطہ ایک روڈ کی سمت ہموار کرے گا۔ انہوں نے کہا کہ پاکستان نے چین اور امریکہ کے درمیان سرد جنگ کم کرنے میں کردار ادا کیا ہے پاکستان کے دونوں ملکوں سے بہترین تعلقات ہیں۔ اچھے تعلقات کے فروغ کے لئے پاکستان مستقبل میں بھی اپنا کردار ادا کرتا رہے گا۔ ملیحہ لودھی نے کہا کہ خطے میں امن کے لئے پاکستان کے امریکہ سے تعلقات اہمیت کے حامل ہیں۔ پاکستان دیرینہ مسائل کے سیاسی حل کے ذریعے بھارت سے بہتر تعلقات چاہتا ہے۔ بھارت کو کئی مرتبہ وسیع البنیاد جامع امن مذاکرات کی بحالی کے لئے کہہ چکے ہیں جبکہ بھارت بحالی تعلقات کی بجائے صرف دہشت گردی پر بات چیت کا خواہاں ہے۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.