موجودہ حکومت عوام کی زندگیوں میں انقلاب لانے کے لئے پرعزم ہے‘ ہم ترقی کے اصلاحاتی ایجنڈے پر عمل درآمد کے لئے کوشاں ہیں‘ عام آدمی کا معیار زندگی بہتر بنانے کے لئے اپنی توانائیاں صرف کررہے ہیں
وزیراعظم میاں محمد نواز شریف کی ارکان قومی اسمبلی سے ملاقات میں گفتگو
بدھ 27 اپریل 2016 11:39
اسلام آباد (اُردو پوائنٹ اخبارتازہ ترین - آئی این پی۔27 اپریل۔2016ء) وزیراعظم میاں محمد نواز شریف نے کہا ہے کہ موجودہ حکومت عوام کی زندگیوں میں انقلاب لانے کے لئے پرعزم ہے‘ ہم ترقی کے اصلاحاتی ایجنڈے پر عمل درآمد کے لئے کوشاں ہیں‘ عام آدمی کا معیار زندگی بہتر بنانے کے لئے اپنی توانائیاں صرف کررہے ہیں۔ بدھ کو وزیراعظم میاں محمد نواز شریف سے یہاں وزیراعظم ہاؤس میں مسلم لیگ (ن) کے ارکان قومی اسمبلی محسن شاہ نواز رانجھا‘ ندیم عباس ربیرا اور ملک ابرار احمد نے الگ الگ ملاقاتیں کیں جس میں باہمی دلچسپی کی امور سمیت ملکی سیاسی صورتحال پر تبادلہ خیال کیا گیا۔
ارکان قومی اسمبلی نے وزیراعظم کو اپنے انتخابی حلقوں میں عوامی فلاح و بہبود کے جاری منصوبوں پر پیش رفت سے آگاہ کیا۔(جاری ہے)
ملاقاتوں میں عوامی اہمیت کے حامل اور سیاسی امور پر گفتگو کی گئی۔ اس موقع پر ارکان قومی اسمبلی نے کہا کہ پاکستان کی سلامتی اور معاشی صورتحال میں بہتری آئی ہے۔ امن اور ترقی کے ثمرات کا فائدہ عوام کو پہنچ رہا ہے ۔ ارکان قومی اسمبلی نے ملک کو ترقی کی راہ پر گامزن کرنے پر وزیراعظم میاں نواز شریف کے کردار کو سراہا۔
انہوں نے کہا کہ سلامتی کی بہتر صورتحال اور انفراسٹرکچر کی ترقی سے عوام میں امید کی کرن پیدا ہوئی ہے۔ اس موقع پر وزیراعظم نے کہا کہ موجودہ حکومت عوام کی زندگی میں انقلاب لانے کے لئے پرعزم ہے۔ انہوں نے کہا کہ ہم ترقی کے اصلاحاتی ایجنڈے پر عمل درآمد کے لئے کوشاں ہیں۔ عام آدمی کا معیار زندگی بہتر بنانے کے لئے اپنی تمام توانائیاں صرف کررہے ہیں۔ وزیراعظم میاں نواز شریف نے کہا کہ منتخب ارکان قومی اسمبلی اپنے اوپر بھروسہ اور اعتماد کرنے والی عوام کی امیدوں پر پورا اترنے کے لئے بغیر کسی رکاوٹ کے اپنی جدوجہد جاری رکھیں۔ وزیراعظم نے ارکان قومی اسمبلی کو عوامی فلاح و بہبود اور خوشحالی کے لئے ان کے انتخابی حلقوں میں جاری ترقیاتی منصوبوں کو بروقت مکمل کرنے کی یقین دہانی کرائی۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.