وزیراعظم کی آئندہ ہفتے سے ترقیاتی منصوبوں کے افتتاح اور عوامی رابطہ مہم کے شیڈول کو حتمی شکل دیدی گئی
ڈیرہ اسماعیل خان میں اقتصادی راہداری کے مغربی روٹ‘ سوات میں کڈنی ہسپتال‘ بنوں اور کوہاٹ میں ایئرپورٹس کے توسیعی منصوبے‘ بلوچستان میں تعلیمی اداروں‘ ملتان خانیوال موٹر وے کا افتتاح کریں گے‘ سندھ اور بلوچستان میں عوامی اجتماعات سے خطاب کریں گے
اتوار 24 اپریل 2016 14:39
اسلام آباد (اُردو پوائنٹ اخبار تازہ ترین۔24اپریل۔2016ء) وزیراعظم نواز شریف کی آئندہ ہفتے سے ترقیاتی منصوبوں کے افتتاح اور عوامی رابطہ مہم کے شیڈول کو حتمی شکل دیدی گئی‘ ڈیرہ اسماعیل خان میں اقتصادی راہداری کے مغربی روٹ‘ سوات میں کڈنی ہسپتال‘ بنوں اور کوہاٹ میں ایئرپورٹس کے توسیعی منصوبے‘ بلوچستان میں تعلیمی اداروں‘ ملتان خانیوال موٹر وے کا افتتاح کریں گے‘ سندھ اور بلوچستان میں عوامی اجتماعات سے بھی خطاب کریں گے۔
اتوار کو نجی ٹی وی کے مطابق وزیراعظم نواز شریف کی آئندہ ہفتے سے شروع کی جانے والی عوامی رابطہ مہم کے شیڈول کو حتمی شکل دیدی گئی۔ وزیراعظم خیبرپختونخوا سے عوامی رابطہ مہم کا آغاز کریں گے اور موٹر وے کے توسیعی پروجیکٹ اور دیگر ترقیاتی منصوبوں کا افتتاح کریں گے۔(جاری ہے)
وزیراعظم نواز شریف ڈیرہ اسماعیل خان میں اقتصادی راہداری کے مغربی روٹ کے افتتاح کے بعد سوات بھی جائیں گے جہاں وہ شریف خاندان کے تعمیر کردہ کڈنی ہسپتال کا افتتاح کریں گے۔
وزیراعظم سوات کے بعد بنوں اور کوہاٹ میں ایئرپورٹس کی توسیع کے منصوبوں کا بھی افتتاح کریں گے۔ خیبرپختونخوا کے بعد وزیراعظم سندھ کا رخ کریں گے اور سکھر اور دیگر اضلاع میں عوامی اجتماعات سے خطاب اور مختلف ترقیاتی منصوبوں کا اعلان کریں گے۔ سندھ کے بعد وزیراعظم نواز شریف بلوچستان کے دورے پر کوئٹہ جائیں گے جہاں وہ تعلیمی اداروں سمیت دیگر منصوبوں کا افتتاح کریں گے۔ آخر میں وزیراعظم نواز شریف پنجاب میں ملتان خانیوال موٹر وے کے توسیعی منصوبے کا بھی افتتاح کریں گے۔ ذرائع کے مطابق وزیراعظم آئندہ ہفتے میں مانسہرہ اور ہزارہ میں عوامی اجتماعات سے خطاب کریں گے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.