احتساب نہیں تبدیلی کا سفر شروع، سیاسی شہید ہونے، جدہ بھا گنے کا وقت گزر گیا‘جمہوریت نہیں شریف خاندان اور انکے غلام وزراء کو خطرہ ہے، کرپشن کی فصل جس جس نے بوئی اب اس کی کٹائی کا عمل شروع ہو گیا ‘ چھوٹو نے گڈ گورننس کے دعویداروں کو بے نقاب کر دیا،کرپشن کا حساب دینے کی بجائے شوکت خانم پر الزامات شرمناک ہیں
قائد حزب اختلاف پنجاب میاں محمود الرشید کی صحافیوں سے بات چیت
جمعرات 21 اپریل 2016 21:31
لاہور (اُردو پوائنٹ اخبارتازہ ترین - آئی این پی۔21 اپریل۔2016ء) پنجاب اسمبلی میں قائد حزب اختلاف میاں محمود الرشید نے کہا کہ ملک میں احتساب نہیں تبدیلی کا سفر شروع ہو گیا، اب سیاسی شہید ہونے جدہ بھاگنے کا دور گزر گیا، بعد میں جمہورت کا راگ الاپنے کی بجائے وزیراعظم خود کو احتساب کیلئے پیش کردیں،جمہوریت نہیں شریف خاندان اور انکے خادم وزراء کو خطرہ ہے، ان خیالات کا اظہار انہوں نے گزشتہ روز پنجاب پبلک سیکرٹریٹ میں صحافیوں سے گفتگو کرتے ہوئے کیا۔
قائد حزب اختلاف کا کہنا تھا کہ فوج میں احتساب کا عمل اچھی شروعات ہے، قوم اسکو قدر کی نگاہ سے دیکھتی ہے اب شریف خاندان کو بھی اپنے آپ کو احتساب کیلئے پیش کرنا ہوگا ورنہ بعد میں جمہوریت کو خطرے کا راگ الاپنے کا بھی کوئی فائدہ نہیں ہوگا۔(جاری ہے)
ایک سوال کے جواب میں میاں محمود الرشید نے کہا کہ فوجی احتساب سے جمہوریت کو کوئی خطرہ نہیں البتہ حکمرانوں اور ان کے غلام وزراء کو ضرور ہے، کرپشن کی فصل جس جس نے بوئی اب اس کی کٹائی کا عمل شروع ہو گیا جو ملک وقوم کیلئے باعث مسرت ہوگا۔
پانا مہ لیکس سے متعلق سوال کے جواب میں میاں محمود الرشید نے کہا کہ حکومت خودفریبی میں مبتلا ہے جلد حالات کی نزاکت کا اندازہ ہو جائیگا، وزیراعظم کو جلد از جلد ایک قابل قبول کمیشن بناکر مکمل تحقیقات تک اقتدار سے الگ ہو جانا چاہیے کیونکہ اس بار وہ سیاسی شہید ہونگے نہ قوم جدہ بھاگنے دیگی۔ایک اور سوال کے جواب میں اپوزیشن لیڈر کا کہنا تھا کہ چھوٹو گینگ نے گڈ گورننس کے دعویدار کو بے نقاب کر دیا ہے، حکومت اپنی رٹ کھو چکی ہے ، زراعت ہو یاتعلیم، صحت ہر شعبہ تباہی کی جانب جا رہا ہے ، وزراء اپنے محکموں میں کارکردگی بہتر بنانے اور پا نا مہ لیکس پرقوم کو جواب دینے کی بجائے شوکت خانم جیسے فلاحی اداروں کو نشانہ بنا رہے ہیں لیکن قوم حکمرانوں کی اصلیت جا ن چکی ہے ایسے الزامات لگا کر وہ کڑے احتساب سے نہیں بچ سکیں گے۔مزید اہم خبریں
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.