Live Updates

وزیر اعظم کے اثاثے جائز ہیں تو قوم کے سامنے رکھیں،اعتزاز احسن

پارلیمانی کمیٹی بنانے پر عمران خان کو منالیں گے،دوسری جماعتوں سے مشاورت جاری ہے ،رہنما پی پی

جمعرات 21 اپریل 2016 20:09

اسلام آباد (اُردو پوائنٹ اخبارتازہ ترین - آن لائن۔21 اپریل۔2016ء) پیپلزپارٹی کے راہنما اعتزاز احسن نے کہا ہے پانامہ لیکس پر انٹرنیشنل فرانزک آڈٹ کمپنیوں سے تحقیقات کرائی جائیں تحقیقات کا آغاز وزیر اعظم نواز شریف کے خاندان سے ہونا چاہئے وزیر اعظم کے تمام اثاثے اگر جائز ہیں تو وہ تمام اثاثے قوم کے سامنے رکھیں ۔ان خیالات کا اظہار انہوں نے جمعرات کے روز اسلام آباد میں میڈیا سے گفتگو کرتے ہوئے کیا ۔

اعتزاز احسن نے کہاہے کہ وزیر اعظم نواز شریف پانامہ لیکس پر کمیشن بنانے کے لئے الجھن کا شکار ہیں وزیر اعظم نواز شریف اپنے اور خاندان کے اثاثے قوم اور پارلیمنٹ کے سامنے رکھ دیں ۔انہوں نے کہا کہ وزیر اعظم اپنے اثاثے کیوں ظاہر نہیں کرتے قوم الجھن میں ہے کہ حکمرانوں نے کس طرح اربوں کے اثاثے بنا لئے ہیں انہوں نے کہا کہ پانامہ لیکس پر انٹرنیشنل فرانزک آڈٹ کمپنی سے احتساب کرانے پر اتفاق ہے فرانزک آڈٹ کمپنی پارلیمانی کمیٹی یا چیف جسٹس کو رپورٹ کرے گی ۔

(جاری ہے)

پانامہ پر سب سے پہلے تحقیقات کا آغاز وزیر اعظم کے خاندان سے ہونا چاہئے اتفاق گروپ کا بھی آڈٹ ہونا چاہئے انہوں نے مزید کہا کہ سب سے صلح مشورے کے بعد آئندہ کا لائحہ عمل طے کریں گے پارلیمانی کمیٹی بنانے کے لئے عمران خان کو منایا جائے جا سکتا ہے پارلیمانی کمیٹی میں حکومت نہیں اپوزیشن اپنے بندے نامزد کرتی ہے پانامہ لیکس پر دوسری جماعتوں سے مشاورت جاری رکھیں گے ۔

Live عمران خان سے متعلق تازہ ترین معلومات

متعلقہ عنوان :