اسلامی یونیورسٹی میں شجر کاری مہم کے چوتھے مرحلے کا آغاز، صدر جامعہ اور انڈونیشین منسٹر قونصلر نے افتتاح کیا
شجر کاری مہم قدرتی ماحول سے رشتہ قائم رکھنے کی ایک کاوش ہے، سامسورزال ماحول کی حفاظت میں اسلامی یونیورسٹی پیش پیش ہے، ڈاکٹر احمد یوسف الدریویش
جمعرات 21 اپریل 2016 17:31
اسلام آباد (اُردو پوائنٹ اخبارتازہ ترین - این این آئی۔21 اپریل۔2016ء)بین الاقوامی اسلامی یونیورسٹی میں شجر کاری مہم کے چوتھے مرحلے کا آغاز ہو گیا ہے جس کا افتتاح صدر جامعہ ڈاکٹر احمد یوسف الدریویش اور انڈونیشین منسٹر قونصلر سامسورزال نے نیو کیمپس میں پودا لگا کر کیا۔ اس موقع پر انڈونیشین منسٹر قونصلر نے کہا کہ شجر کاری مہم قدرتی ماحول سے رشتہ قائم رکھنے کی ایک کاوش ہے اور یہ گلوبل وارمنگ جیسے مسائل کے تدارک کا بہترین ذریعہ ہے۔
انہو ں نے کہا کہ تیزی سے ختم ہوتے جنگلات کی وجہ سے بدترین موسمی حالات سامنے آ رہے ہیں اور اس امر کو ترجیحی بنیادوں پر دیکھا جائے ۔ سامسورزال نے کہا کہ گرین ہاوٴسز بنانے اور شجر کاری مہمات پر زیادہ سے زیادہ توجہ دی جائے اور تمام ممالک اس امر کو ایمرجنسی بنیادوں پر دیکھیں۔(جاری ہے)
انہوں نے اس موقع پر اسلامی یونیورسٹی کے کردار کو سراہتے ہوئے کہا کہ جامعہ پوری امت مسلمہ کی خدمت کر رہی ہے جو گزشتہ عشروں میں ایک اہم تعلیمی ادارہ بن کر ابھری ہے۔
ڈاکٹر الدریویش نے اس موقع پر اپنے خطاب میں کہا کہ ماحول کی حفاظت میں اسلامی یونیورسٹی پیش پیش ہے اور اپنے طلباء کو اسلامی تعلیمات کی روشنی میں جدید علوم کی تعلیم دے رہی ہے تاکہ تاکہ وہ بہتر طریقے سے کرہ ارض کی حفاظت کر سکیں۔ صدر جامعہ نے اس موقع پر انڈونیشیا کی جامعات سے جاری دو طرفہ تعاون کے امور بارے بھی آگاہ کیا اور بتایا کہ جامعہ جلدانڈونیشیا کی دارالسلام یونیورسٹی میں ”فکر اقبال “ کے موضوع پر سیمینار کا انعقاد کرے گی۔ ڈاکٹرالدریویش نے نئے انڈونیشین سفیر کو پاکستان میں ذمہ داریاں سنبھالنے پر مبارکباد دینے کا پیغام دیتے ہوئے انہیں اسلامی یونیوسٹی کے دورہ کی بھی دعوت دی۔مزید اہم خبریں
-
لاہور : سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
-
حکومت کا پٹرولیم مصنوعات کی قیمتیں ڈی ریگولیٹ کرنے پر غور
-
پنجاب میں 23 اپریل سے بارشوں کا نیا سلسلہ داخل ہو گا
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.