عمران فاروق قتل کیس،انسداد دہشت گردی کی عدالت کے جج اور وکیل صفائی میں تلخ کلامی ،حج کا سماعت سے انکار
جمعرات 21 اپریل 2016 13:32
اسلام آباد (اُردو پوائنٹ اخبارتازہ ترین - آئی این پی۔21 اپریل۔2016ء) ایم کیو ایم کے رہنما عمران فاروق قتل کیس کی سماعت کرنے والی انسداد دہشت گردی کی عدالت کے جج اوروکیل صفائی میں تلخ کلامی ہو گئی۔ جج کوثر عباس زیدی نے ریمارکس دئے کہ ایسا کیس نہیں سن سکتا،معاملہ چیف جسٹس اسلام آباد ہائی کورٹ کو بھجوائے گا۔ایم کیو ایم کے رہنما ڈاکٹرعمران فاروق قتل کیس کی سماعت اسلام آباد کی انسداد دہشتگردی کی خصوصی عدالت میں ہوئی۔
دوران سماعت وکیل صفائی منصور آفریدی ایڈووکیٹ نے ملزم معظم علی کی درخواست ضمانت مسترد ہونے پر احتجاج کیا اور کہا کہ کیس کا شفاف ٹرائل نہیں ہو رہا ہے۔ وکیل صفائی نے کہا کہ ملزمان کے ریمانڈ میں بار بار توسیع کی جارہی ہے۔ ایف آئی اے کے پاس ٹھوس شواہد ہی نہیں۔(جاری ہے)
اس بات کا بھی علم نہیں کہ عمران فاروق قتل بھی ہوا یا نہیں۔ ابھی تک ایف آئی اے کا پراسیکیوٹر مقرر نہیں ہوسکا۔
عدالت کو ایف آئی اے کا پراسیکیوٹر بننے کی بجائے انصاف فراہم کرنا ہوگا۔ جس پر وکیل اور جج کوثر عباس زیدی کے درمیان تلخ جملوں کا تبادلہ ہوا۔جج کوثر عباس زیدی نے کہا کہ وہ کسی وکیل کو جوابدہ نہیں، کیس چیف جسٹس اسلام آباد ہائی کورٹ کو بھجوا وں گا ۔ ایسا کیس نہیں سن سکتا۔ انسداد دہشتگردی کی عدالت کے جج ملزمان کے جوڈیشل ریمانڈ سے متعلق کوئی فیصلہ دیئے بغیر کمرہ عدالت سے چلے گئے۔ عمران فاروق قتل کیس کے ملزمان معظم علی۔خالد شمیم اور محسن راولپنڈی کی اڈیالہ جیل میں ہیں۔ جنہیں سیکیورٹی وجوہات کے باعث عدالت میں پیش نہیں کیا گیا۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.