عمران خان 24اپریل کو جو بھی لائحہ عمل دینگے پارٹی خواتین اس میں ہر اول دستے کا کردار ادا کریں گی‘فوزیہ قصوری
حکمرانوں کے درباری جتنا مرضی جھوٹا پراپیگنڈا کر لیں اپنی سازشوں میں ناکام ہی رہیں گے‘نوشین حامد/مسرت چیمہ یوم تاسیس کی تیاریوں کے حوالے سے مسرت چیمہ کی رہائشگاہ پر پارٹی اجلاس کا انعقاد،خواتین رہنماؤں کو ڈنر بھی دیا گیا
بدھ 20 اپریل 2016 20:21
لاہور(اُردو پوائنٹ اخاُردو پوائنٹ اخبارتازہ ترین - این این آئی۔20 اپریل۔2016ء) پاکستان تحریک انصاف کی سینئر رہنما فوزیہ قصوری نے کہا ہے کہ پارٹی کے 20ویں یوم تاسیس کے موقع پر عمران خان کی قیادت میں پاکستان میں معاشی و سماجی انصاف کی فراہمی اور کرپشن کو جڑ سے اکھاڑ پھینکنے کی جاری جدوجہد کو منطقی انجام تک پہنچانے کے عزم کا اعادہ کیا جائیگا، پاکستانی قوم بیدار ہو چکی ہے اب حکمرانوں کو تاخیری حربوں کے ذریعے پانامہ لیکس کا معامل گول نہیں کرنے دیا جائے گا، عمران خان کی طرف سے 24اپریل کو جس بھی لائحہ عمل کا اعلان کیا جائے گا پارٹی کی خواتین اس میں ہر اول دستے کا کردار ادا کریں گی ۔
ان خیالات کا اظہار انہوں نے تحریک انصاف کی رہنما مسرت جمشید چیمہ کی رہائشگاہ پر پارٹی کے یوم تاسیس کی تیاریوں کے حوالے سے منعقدہ اجلاس اور یونٹی ڈنر کے موقع پر خطاب کرتے ہوئے کیا ۔(جاری ہے)
اس موقع پر رکن پنجاب اسمبلی ڈاکٹر نوشین حامد ،فرح آغا ، سیمی ایزی،ملیحہ حسین،نیلم رشید ،صادقہ آپا،راحت آپا، ثمینہ مانو، نگہت محمود ،غزالہ رفیق ، وجہیہ اکرام ،شبانہ بلقیس ،شوانہ بشیر اور شہناز پروین سمیت دیگر نے شرکت کی ۔
اجلاس میں یوم تاسیس کی مرکزی تقریب میں خواتین کارکنوں کی شرکت کو یقینی بنانے کے حوالے سے تیاریوں کا جائزہ لیا گیا ۔ فوزیہ قصوری نے کہا کہ تحریک انصاف غیر معمولی حالات میں اپنا 20واں یوم تاسیس منا رہی ہے کیونکہ اس میں دئیے جانے والے لائحہ عمل کے انتہائی دور رس نتائج مرتب ہوں گے ۔انہوں نے کہا کہ پانامہ لیکس کی دستاویزات نے عمران خان کے بیس سال پرانے موقف کی تائید کر دی ہے کہ یہاں اقتدار میں آنے والوں کو صرف اپنے خاندانوں کا مفاد عزیز ہے اورغریب کو صرف ڈھال کے طو رپر استعمال کیا جاتا ہے ۔ ڈاکٹر نوشین حامد نے کہا کہ عوام کو تعلیم ، صحت سمیت دیگر بنیادی ضروریات کی فراہمی کی بجائے 200ارب کے قرض سے میٹرو ٹرین کے منصوبے سے حکمرانوں کی ترجیحات واضح ہیں۔وزیر اعلیٰ لاہورکو پیرس بنانے کے دعوے کرتے ہیں لیکن عوام کو پینے کا صاف پانی میسر نہیں ۔انہوں نے کہا کہ عمران خان 24اپریل کو جس بھی لائحہ عمل کا اعلان کرینگے تحریک انصاف کی خواتین اس میں ہر اول دسے کا کردار ادا کریں گی ۔ مسرت جمشید چیمہ نے کہا کہ آج پاکستان اپنے مشکل ترین دور سے گزر رہا ہے ۔ حکمران سب اچھا کی رپورٹ دے رہے ہیں جبکہ عوام کو ایک وقت کی روٹی بھی میسر نہیں۔ انہوں نے کہا کہ صرف خواتین کارکنان ہی نہیں بلکہ سول سوسائٹی سے وابستہ خواتین کی ایک بڑی تعداد بھی تحریک انصاف کے یوم تاسیس کی تقریب میں شریک ہوگی ۔ حکمرانوں کے درباری جتنا مرضی جھوٹا پراپیگنڈا کر لیں وہ اپنی سازشوں میں ناکام ہی رہیں گے۔ انہوں نے کہا کہ تحریک انصاف کی خواتین پر عزم ہیں اور قیادت 24اپریل کو جو بھی لائحہ عمل دے گی ہمیں اپنے شانہ بشانہ پائے گی ۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.