ایف پی سی سی آئی نے بجٹ سفارشات قومی اسمبلی میں پیش کر دیں
چئیرمین ایف بی آر سفارشات کو بجٹ کا حصہ بنائیں،تاکہ اقتصادی ترقی کی رفتار بڑھائی جا سکے،ممبران قومی اسمبلی
بدھ 20 اپریل 2016 18:19
اسلام آباد (اُردو پوائنٹ اخاُردو پوائنٹ اخبارتازہ ترین - آن لائن۔20 اپریل۔2016ء) قومی اسمبلی کی قائمہ کمیٹی برائے فنانس سے چئیرمین ایف بی آر کو ہدایت کی ہے کہ ایف پی سی سی آئی کی بجٹ سفارشات کو آنے والے بجٹ کا حصہ بنایا جائے تاکہ اقتصادی ترقی کی رفتار بڑھائی جا سکے۔ تفصیلات کے مطابق گزشتہ ہفتہ وزیر خزانہ اسحاق ڈار کو بجٹ سفارشات پیش کرنے کے بعد یونائیٹڈ بزنس گروپ کے سیکرٹری جنرل زبیر طفیل اور ایف پی سی سی آئی کے نائب صدر ظفر بختاوری نے گزشتہ روزقیصر احمد شیخ کی سربراہی میں ہونے والے قومی اسمبلی کی قائمہ کمیٹی برائے فنانس کے اجلاس میں سفارشات کا حتمی مسودہ پیش کر دیا۔
اجلاس میں جہانگیر ترین، اسد عمر، سید نوید قمر، ڈاکٹر نفیسہ شاہ، میاں عبدالمنان، فیاض شیخ، شازیہ فاطمہ، سید مصطفی محمود، چئیرمین ایف بی آر نثار محمد خان اور دیگر اعلیٰ حکام موجود تھے۔(جاری ہے)
اس موقع پر زبیر طفیل نے بریفنگ دیتے ہوئے کہا کہ یکم جولائی سے تمام سیکسپورٹ سیکٹر کو زیرو ریٹنگ کا ردجہ دیا جائے، پلانٹ اور مشینری پر امپورٹ ڈیوٹی اور سیلز ٹیکس ختم کیا جائے اور 2020 تک لگنے والی صنعتوں کو ٹیکس فری قرار دیا جائے۔
انھوں نے کہا کہ ایف پی سی سی آئی کی تجاویز سے معاشی ترقی ہوگی، بے روزگاری میں کمی آئے گی جبکہ حکومت کی آمدنی میں بڑھے گی۔ انھوں نے سمگلنگ، ٹیکس چوری، انڈر انسوئسنگ اور مس ڈکلیریشن پر قابو پانے کا مطالبہ بھی کیا۔ وفاقی چیمبر کی سفارشات پر تفصیلی بحث کے بعد ممبران قومی اسمبلی نے ان سفارشات کو سراہتے ہوئے چئیرمین ایف بی آر کو ہدایت کی کہ انھیں بجٹ میں شامل کیا جائے۔ چئیرمین ایف بی آر نے کہا کہا ایف پی سی سی آئی کی تجاویز قابل عمل اور خوش آئند ہیں۔ انھوں نے کہا کہ چیمبروں اور تاجر تنظیموں سے مشاورت جاری ہے اور انکے جائز مطالبات مانے جائینگے تاکہ اقتصادی ترقی کی رفتار بڑھائی جا سکے۔ اس موقع پر پی ٹی اے کے گلزار فیروز اور نسیم شفیع بھی موجود تھے۔متعلقہ عنوان :
مزید اہم خبریں
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.