یوروایشیائی ریاستوں کے قانون ساز اداروں کے مابین تعاون کے ذریعے دیرپا علاقائی ترقی کی راہ ہموار ہوگی، سردار ایاز صادق
بدھ 20 اپریل 2016 16:42
اسلام آباد (اُردو پوائنٹ اخبارتازہ ترین - این این آئی۔20 اپریل۔2016ء) سپیکر قومی اسمبلی سردار ایاز صادق نے کہا ہے کہ پاکستان یورو ایشیائی ریاستوں کی قانون ساز اداروں کے مابین روابط کے فروغ کی حمایت کرتا ہے۔ انہوں نے کہا ہے کہ رکن ممالک کے مابین عوامی سطح پر رابطوں اور تجارتی و ثقافتی وفود کے تبادلوں کے ذریعے خطہ خوشحالی کی راہ پرگامزن ہوگا۔
ماسکو سے موصول ہونے والے پیغام کے مطابق انہوں نے ان خیالات کا اظہا ر روس کے شہر ماسکو میں منعقد ہونیوالے پہلے یوروایشیائی ممالک کے پارلیمان کے سپیکرز کے اجلاس سے خطاب کرتے ہوئے کیا۔سردار ایاز صادق نے خطے میں امن و استحکام کے قیام سمیت دیگر مشترکہ چیلنجز سے نمٹنے کے لئے رکن ممالک کے مابین قریبی تعاون پر زور دیا۔(جاری ہے)
انہوں نے کہا کہ سیکورٹی ، انٹیلی جنس شیئرنگ اور دہشت گردی و منشیات فروشی کے خلاف جنگ میں مشترکہ تعاون اور حکمت عملی کی ضرورت ہے۔
انہوں نے کہا کہ یوروایشیاء کا خطہ معاشی، علاقائی اور سٹریٹجک سطح پر فیصلہ کن موڑ سے گزر رہا ہے۔ انہوں نے کہا کہ عالمی سطح پر طاقت کے توازن اور اسکے زمینی حقائق میں تبدیلی کا عمل جاری ہے جو مستقبل کے معاشی ترقی کی راہ کا تعین کرے گا۔سپیکر قومی اسمبلی نے کہا کہ خطے میں تعاون کے فروغ کے ذریعے دیرپا ترقی کے اہداف کے حصول کے خواب کو یقینی بنایا جا سکتا ہے۔ انہوں نے کہا کہ یوروایشیا سیاسی و معاشی ترقی کے عالمی مرکز کے طور پر ابھر رہا ہے ۔ انہوں نے شنگھائی تعاون تنظیم (ایس سی او) اور یوروایشین اقتصادی یونین کا حوالہ دیتے ہوئے کہا کہ ایس سی او کی جانب سے چین کے (One Belt One Road) پروگرام کی توثیق علاقائی تعاون کی نئی راہیں ہموار کریگا۔دہشتگردی کے خلاف جنگ میں پاکستا ن کے کردار کے حوالے سے سپیکر قومی اسمبلی نے کہا کہ پاکستان دہشت گردی کے خلاف نبرد آزما ہے اور ملٹری آپریشن ضرب عضب دہشتگردوں کی کمر توڑتے ہوئے کامیابی سے اپنے آخری مرحلے میں داخل ہو چکا ہے۔انہوں نے کہا کہ پاکستان بھارت کے ساتھ کشمیر سمیت تمام تصفیہ طلب تنازعات کا مذاکرات کے ذریعے پر امن حل کا خواہاں ہے جو خطے میں امن و استحکام کے لئے ناگزیر ہے۔سپیکر قومی اسمبلی نے روسی حکومت اور پارلیمان کی جانب سے پہلے یوروایشیائی ممالک کے پارلیمان کے سپیکرز کے اجلاس کے انعقاد کو سراہتے ہوئے کہا کہ اس اقدام سے خطے میں تعاون کو فروغ حاصل ہوگا۔انہوں نے کانفرنس میں خطے کے مشترکہ مفادات کے تحفظ اور باہمی اشتراک کیلئے خصوصی کمیٹیوں کے قیام کی تجویز بھی پیش کی۔متعلقہ عنوان :
مزید اہم خبریں
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.