بھارتی وزیر اعظم کشمیریوں کو دام فریب میں لانے کی ہرممکن کوشش کررہے ہیں،حق خودارادیت کا حصول زیادہ اہم ہے،کشمیریوں کا جواب
بدھ 20 اپریل 2016 13:23
جموں۔ 20 اپریل (اُردو پوائنٹ اخبارتازہ ترین - اے پی پی۔20 اپریل۔2016ء) بھارتی وزیر اعظم نریندر مودی نے مقبوضہ کشمیر کے حالیہ دورے کے دوران کشمیریوں کو دام فریب میں لانے کی ہرممکن کوشش کی ہے۔ کشمیر میڈیا سروس کے مطابق نریندر مودی نے جموں میں ویشنو دیوی مندر کے بیس کیمپ کٹرہ سے 5 کلومیٹر دور ککریال میں ایک اجتماع سے خطاب کرتے ہوئے مسئلہ کشمیر کو حل کرنے کے لیے سابق بھارتی وزیر اعظم اٹل بہاری واجپائی کے گمراہ کن فارمولہ انسانیت، کشمیریت اور جمہوریت کا سہارا لیا۔
نریندر مودی نے یہ دعویٰ کرتے ہوئے کہ واجپائی کوجموں وکشمیر میں بھی قابل احترم رہنما سمجھا جاتا ہے کہا کہ ان کا نعرہ”سب کا ساتھ سب کا وکاس“واجپائی کے پیغام میں مزید نکھار لائے گا ۔انہوں نے خود کو انسانیت کا چمپئن ظاہر کرتے ہوئے جموں کے کٹرہ علاقے میں ایک ہسپتال اور سپورٹس کمپلکس کا بھی افتتاح کیا۔(جاری ہے)
اس موقع پرانہوں نے گزشتہ سال 7 نومبر کو ان کے دورہ سرینگر کے دوران اعلان کردہ نام نہاداقتصادی پیکج کا بھی ذکر کیا۔
مقبوضہ کشمیر کی کٹھ پتلی وزیر اعلیٰ محبوبہ مفتی بھی اس موقع پر موجود تھیں۔ یہ بات قابل ذکر ہے کشمیری عوام نریندر مودی کے تمام بیانات سے عدم دلچسپیکا اظہار کیا۔کشمیریوں کا کہنا ہے کہ نریندر مودی نے اپنی تقریرمیں جس ترقی اور دیگر چیزوں کا ذکر کیا ہے کشمیریوں کے نزدیک ان کی حیثیت ثانوی ہے۔ کشمیریوں کے لیے جو چیز سب سے زیادہ اہم ہے وہ ان کا حق خودارادیت ہے جس پر بھارتی وزیر اعظم بات کرنے لیے تیار نہیں ۔ انہوں نے مودی کے ترقی کے منتر کو محض ایک نعرہ قراردیا۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.