آرمی چیف کا دورہ شوال، دہشتگردوں کیخلاف آپریشن کے آخری مرحلے کی پیشرفت کا جائزہ لیا
دہشتگردوں سہولت کاروں اور سلیپرز سیلز کے خاتمے کیلئے بڑے پیمانے پر آپریشن کیا جائے ، پوری قوم دہشتگردی کیخلاف جنگ میں دی گئی قربانیوں کوانتہائی قدر کی نگاہ سے دیکھتی ہے، ہمارے ساتھ کندھے سے کندھا ملا کر کھڑی ہے بہترین صلاحیتیں بروئے کار لا کر عارضی بے گھر افراد کو واپس انکے علاقوں میں آباد کیا جائے،جنرل راحیل شریف
پیر 18 اپریل 2016 19:03
راولپنڈی(اُردو پوائنٹ اخبارتازہ ترین - این این آئی۔18 اپریل۔2016ء) چیف آف آرمی سٹاف جنرل راحیل شریف نے شوال آپریشن کی کامیابیوں کو سراہتے ہوئے ہدایت کی ہے کہ دہشتگردوں کے علاوہ انکے سہولت کاروں اور سلیپرز سیلز کے خاتمے کیلئے بڑے پیمانے پر آپریشن کیا جائے ، پوری قوم دہشتگردی کیخلاف جنگ میں دی گئی قربانیوں کوانتہائی قدر کی نگاہ سے دیکھتی ہے اور ہمارے ساتھ کندھے سے کندھا ملا کر کھڑی ہے ۔
آئی ایس پی آر کے مطابق چیف آف آرمی سٹاف جنرل راحیل شریف نے پیر کو شوال کا دورہ کیا اور وہاں دہشتگردوں کیخلاف جاری آپریشن کے آخری مرحلے پر پیشرفت کا جائزہ لیا ۔ انہوں نے دہشتگردوں کو پاک افغان سرحد کے قریب انکی آخری پناہ گاہوں سے نکالنے میں مصروف فوجیوں کے ساتھ پورا دن گزارا ۔(جاری ہے)
آرمی چیف کو فارمیشن کمانڈر کی جانب سے اب تک حاصل ہونیوالی آپریشنل کامیابیوں کے بارے میں تفصیلی بریفنگ دی گئی ۔
پاک فوج کے سربراہ کو بتایا گیا کہ فروری 2016 ء میں آپریشن کے آخری مرحلے کے آغاز سے اب تک 800 مربع کلو میٹر سے زیادہ کا علاقہ محفوظ بنا لیا گیا ہے جبکہ دہشتگردوں کو بھاری جانی نقصان اٹھانا پڑا ہے ۔ شوال آپریشن کی کامیابی کو سراہتے ہوتے آرمی چیف نے اپنے اہداف کے حصول کیلئے فوجیوں کی غیر معمولی کامیابیوں، حوصلے ، عزم اور قربانیوں کو سراہا ۔ انہوں نے زور دیا کہ آپریشن کے دوران حاصل کی جانیوالی کامیابیوں کو مستحکم بنایا جائے اور اپنی بہترین صلاحیتیں بروئے کار لا کر عارضی بے گھر افراد کو واپس انکے علاقوں میں آباد کیا جائے ۔ دہشتگردوں اور فاٹا سے باہر موجود انکے سہولت کاروں کا گٹھ جوڑ توڑنے کا ذکر کرتے ہوئے آرمی چیف نے ہدایت کی فوری طور پر وسیع پیمانے پر آپریشن کر کے دہشتگردوں کا خاتمہ کیا جائے اور فاٹا سے باہر کے علاقوں میں موجود انکے سلیپرز سیلز اور سہولت کاروں کیخلاف کارروائی کی جائے ۔ افسروں اور جوانوں سے وادی شمال میں خطاب کرتے ہوئے آرمی چیف نے کہا کہ پوری قوم ہمارے ساتھ کندھے سے کندھا ملا کر کھڑی ہے اور دہشتگردی کیخلاف جنگ میں دی جانیوالی قربانیوں کو انتہائی قدر کی نگاہ سے دیکھتی ہے ۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.