پنگریو اور زیریں سندھ کے دیگر علاقوں میں مٹی اور گر دوغبار کے تیز طوفان نے تباہی مچا دی،معمولات زندگی متاثر
ہفتہ 16 اپریل 2016 18:06
پنگریو ( اُردو پوائنٹ اخبارتازہ ترین - این این آئی۔16 اپریل۔2016ء) پنگریو اور زیریں سندھ کے دیگر علاقوں میں مٹی اور گر دوغبار کے تیز طوفان نے تباہی مچا دی ہے اور معمولات زندگی متاثر ہو کررہ گئے ہیں جبکہ سینکڑوں قصبوں، دیہاتوں اور شہروں میں بجلی اور مواصلات کا نظام بھی درہم برہم ہو گیا ہے انتہائی تیز رفتار ی سے چلنے والے اس طوفان کے باعث چھپرے اُڑ گئے ہیں، زرعی فصلوں اور باغات کو ناقابل تلافی نقصان پہنچا ہے اور کاروباری اور تجارتی سرگرمیاں ماند پڑ گئی ہیں تفصیلات کے مطابق پنگریو اور زیریں سندھ کے دیگر علاقوں شادی لارج، کھوسکی، نندو، خلیفو قاسم، ٹنڈو باگو، ملکانی شریف، حیات خاصخیلی، جھڈو، نوکوٹ، ونگو، کھڈھرو ، ڈیئی، کڈھن، سیرانی، بھگڑا میمن، بہڈمی، مٹھی تھری میں مٹی اور گر دوغبار کے تیز طوفان نے تباہی مچا دی ہے مٹی کے طوفان کے باعث زیریں سندھ بھر میں نظام زندگی مفلوج ہو کر رہ گیا ہے او ر لوگ گھروں تک محدود ہو گئے ہیں تیز گرد آلود ہواؤں کے باعث بجلی اور مواصلات کا نظام بری طرح متاثر ہوا ہے گرد آلود تیز ہواؤں کے باعث زیریں سندھ کے سینکڑوں قصبوں، دیہاتوں اور شہروں میں بجلی کی فراہمی سارا دن معطل رہی اور فیڈر ٹرپ کر گئے تیز ہواؤں کے باعث میدانی علاقوں میں لوگوں کا گھروں سے باہر نکلنا محال ہو گیا ہے اور ہر طرف مٹی کے باد ل آسمان پر چھائے دکھائی دیتے ہیں دیہاتی علاقوں میں بڑی تعداد میں چھپرے اُڑ گئے جبکہ درختوں کی شاخیں ٹوٹ گئیں جس کی وجہ سے متعدد لنک روڈ بند ہو گئے شہروں میں سائن بورڈز، ہورڈنگز اور بجلی کی تاریں گر گئیں تیز گر د آلود ہواؤں کے باعث پھٹی، مرچ، سورج مکھی اور دیگر زرعی فصلوں جبکہ آم، چیکو، فالسے ، اورلیموں کے باغات کو ناقابل تلافی نقصان پہنچا ہے اور تجارتی اور کاروباری سرگرمیاں بھی متاثر ہو ئی ہیں اور بازاروں میں خریدار نہ ہونے کے برابر دکھائی دیتے ہیں سڑکوں پر پبلک ٹرانسپورٹ بھی کم نظر آرہی ہے مٹی اورگرد وغبار کے طوفان کے باعث آنکھوں، دمے، کھانسی ، ڈسٹ الرجی کے مریضوں کو شدید پریشانی اور مشکلات کا سامنا کرنا پڑ رہا ہے جبکہ سرکاری ملازمین خاص طور پر اسکولوں کے طلبہ وطالبات کو بھی پریشانی کا سامنا کرنا پڑا۔
مزید قومی خبریں
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
-
گوجرخان پولیس کی موثر کارروائی، سکولوں اور کالجوں میں منشیات سپلائی کرنے والا منشیات فروش گرفتار
-
سوات ،نوجوان نے خودکو گولی مارکر خودکشی کرلی
-
وزیراعلی سندھ نے کابینہ میں توسیع کرتے ہوئے مزید 8وزرا کو شامل کرلیا
-
گورنرسندھ کے زیر صدارت سندھ انڈسٹریل لائڑن کمیٹی کا اعلیٰ سطح اجلاس
-
پی ٹی آئی نے مزار قائد پر حاضری دیکر کراچی جلسہ کی تیاریاں شروع کر دی،
-
ایم کیو ایم کا وزیر اعلیٰ ہائوس کا گھیرائوکرنے کا فیصلہ
-
سندھ ہائی کورٹ : پی ٹی اے کو ایکس کی بندش کی معقول وجہ بتانے کا حکم
-
چارسدہ، پولیس نے رمضان میں دکان سے چوری کرنے والا ملزم گرفتارکرلیا
-
موجودہ نظام میں کسی بھی شفاف اور قابل لیڈر کی کوئی جگہ نہیں،علی امین گنڈاپور
-
800 لیٹر ایرانی تیل برآمد،ملزمان گرفتار،مقدمہ درج
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.