متوقع ہیٹ اسٹروک سے نمٹنے کیلئے نجی اداروں کا تعاون حاصل کیا جارہا ہے،ایڈمنسٹریٹر بلدیہ شرقی
ہفتہ 16 اپریل 2016 16:33
کراچی (اُردو پوائنٹ اخبارتازہ ترین - این این آئی۔16 اپریل۔2016ء) متوقع ہیٹ اسٹروک سے نمٹنے کے لئے بلدیہ شرقی کی جانب سے اقدامات کاسلسلہ جاری ہے اس سلسلے میں میڈیکل کیمپوں کے قیام کے ساتھ نجی اداروں کا تعاون بھی حاصل کیاجا رہاہے جو بلدیہ شرقی کے ساتھ مل کرضلع شرقی کی عوام کو سہولیات فراہم کر نے کے سلسلے میں فرائض سر انجام دیں گے اس سلسلے میں جمشید زون بلدیہ شرقی کے دفتر میں ایڈمنسٹریٹر بلدیہ شرقی رحمت اللہ شیخ کی زیر صدارت نجی اداروں کے نمائندگان کا ایک اجلاس منعقد ہوا اجلاس سے خطاب کرتے ہوئے ایڈمنسٹریٹر بلدیہ شرقی نے کہا کہ بلدیہ شرقی کی جانب سے گلوبل وارمنگ کے کراچی پر اثرات کو مد نظر رکھتے ہوئے ہیٹ اسٹروک سے عوام کو بچانے کے لئے قبل از وقت انتظامات کاسلسلہ جاری ہے بلدیہ شرقی کی حدود میں جگہ جگہ شجر کاری مہم کے ساتھ محکمہ میڈیکل سروسزنے ہیٹ اسٹروک کیمپس بھی قائم کر دیئے ہیں اب مزیدضرورت کو مد نظر رکھتے ہوئے نجی اداروں کے تعاون کو بھی حاصل کیاجارہاہے تاکہ طبی کیمپس پرپانی ، ادویات سمیت دیگر ضروری سہولیات کی فراہمی کووافر مقدارمیں یقینی بنا کر زیادہ سے زیادہ عوام کو محفوظ بنایاجاسکے جبکہ بلدیہ شرقی بڑے پیمانے پر شجر کاری مہم سر انجام دے رہی ہے مگر مزید ضروریات کو پیش نظر رکھتے ہوئے نجی ادارے بھی اس سلسلے میں اپناکردار ادا کریں تاکہ سر سبزماحول کو فروغ دے کرہیٹ اسٹروک کے بداثرات کو کنٹرول کیا جاسکے اس موقع پرچیف میڈیکل آفسیر بلدیہ شرقی ڈاکٹر محمد شاہد فیاض کی جانب سے نجی اداروں کو ادویات کی ضروریات کی فہرست بھی فراہم کی گئی، اس موقع پرنجی اداروں نے بھر پور تعاون کی یقین دہانی کروائی اور کہا کہ عوام کو ہیٹ اسٹروک سے بچانے کے حوالے سے اپنامثبت کردار اداکریں گے اس سلسلے میں بلدیہ شرقی کو جو بھی معاونت درکار ہوگی وہ فراہم کی جائے گی اجلاس میں چیف میڈیکل آفیسر ڈاکٹرمحمدشاہدفیاض اورڈائریکٹر ایڈورٹائزمنٹ عبدالغنی سمیت نجی اداروں کے نمائندگان نے شرکت کی۔
متعلقہ عنوان :
مزید قومی خبریں
-
منشیات کی لعنت کوجڑسے ختم کرنے کیلئے پنجاب پولیس کا کریک ڈائون جاری
-
گزشتہ 14 ماہ میں ملتان ریجن پولیس ملازمین کی 3758 اپیلوں پر فیصلہ سنایا گیا
-
نان سٹمپڈ اورجعلی سگریٹس کی فروخت کے خلاف ملک گیر کریک ڈاؤن ،96 ملین روپے مالیت کے سگرٹیس ضبط
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
-
نوازشریف 5 روزہ نجی دورے پر چین روانہ ہو گئے
-
وزیراعلیٰ مریم نوازنے پاکستان کے پہلے ورچوئل ویمن پولیس اسٹیشن ’’میری آواز،مریم نواز‘‘کا افتتاح کردیا
-
ورکرزکنونشن، جلسے کروں گا، مطالبات رکھوں گا، دیکھتا ہوں کون روکتا ہے، علی امین گنڈاپور
-
بجلی کے 200 یونٹ سے کم استعمال کرنے والے صارفین کو بھی پھر زائد نرخ اداکرنا پڑھ رہے ہیں
-
پاکستان سمیت دنیا بھر میں کتب کا عالمی دن 23اپریل بروز منگل منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.