جرمن زبان نہ سیکھنے والوں کو پناہ نہیں دیں گے، نئے جرمن قوانین
ہفتہ 16 اپریل 2016 12:20
برلن(اُردو پوائنٹ اخبارتازہ ترین - این این آئی۔16 اپریل۔2016ء) کئی ماہ سے جاری بحث و مباحثے کے بعد جرمنی کی مخلوط حکومت میں شامل اتحادی جماعتوں کے مابین انسداد دہشت گردی اور مہاجرین کے انضمام کے حوالے سے نئے قوانین پر اتفاق رائے قائم ہو گیا ۔میڈیارپورٹس میں بتایاگیا کہ نئے مجوزہ جرمن قوانین کے مطابق جرمنی میں سیاسی پناہ حاصل کرنے والے تارکین وطن اگر زبان سیکھنے، ملازمت تلاش کرنے اور معاشرے میں ضم ہونے کے لیے مناسب اقدامات نہیں کرتے، تو انہیں فراہم کی جانے والی سہولیات میں کمی کی جا سکتی ہے۔
چانسلر میرکل کی سیاسی پارٹی کرسچن ڈیموکریٹک یونین اور مخلوط سوشل ڈیموکریٹک پارٹی کے مابین یہ اتفاق رائے سات گھنٹے طویل بحث و مباحثے کے بعد ہوا۔ برلن حکومت کئی ماہ سے ان قوانین کو حتمی شکل دینے کی کوششوں میں ہے۔(جاری ہے)
انضمام کے حوالے سے طے پانے والے مجوزہ قوانین کے تحت جرمنی پہنچنے والے پناہ گزینوں کے لیے متعدد تربیتی پروگراموں کا انتظام کیا جائے گا تاہم ان سے فائدہ نہ اٹھانے والوں کی سیاسی پناہ منسوخ بھی کی جا سکتی ہے۔
چانسلر میرکل کے بقول جرمن زبان سکھانے کے علاوہ مہاجرین کو ایسے کورسز بھی کرائے جائیں گے جن کی مدد سے وہ جرمنی کی روزگار کی منڈی میں ملازمت کے اہل ہو سکیں۔ نئے مجوزہ قوانین کے تحت وفاقی فنڈز کی مدد سے پناہ گزینوں کے لیے ملازمت کے تقریبا ایک لاکھ مواقع پیدا کیے جائیں گے۔ ملک بدری کے لیے مستحق قرار دیے جانے والے تارکین وطن کی ملک بدری پر اس وقت تک عملدرآمد نہیں کیا جائے گا، جب تک ان کا تربیتی پروگرام ختم نہیں ہو جاتا۔ اس کے علاوہ، جو مہاجرین حکام کی جانب سے مہیا کردہ رہائش ترک کریں گے، انہیں نتائج بھگتنا پڑیں گے تاہم یہ واضح نہیں کہ یہ نتائج کیا ہوں گے۔ میرکل نے کہا کہ نئے قوانین میں ہر کسی کے لیے مواقع بھی ہیں اور ذمہ داریاں بھی۔ مجوزہ قوانین کی ملکی کابینہ سے منظوری چوبیس مئی کو ممکن ہے۔متعلقہ عنوان :
مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.