پولیس ہیلپ لائن 15: کال کرنے والے سے ایس ایچ اور ڈی ایس پی خود رابطہ کریں،15کی کال پر تخفیف جرم کرکے مقدمہ درج کرنا بالکل برداشت نہیں کیا جائے گا بلکہ ایس ایچ او کے خلاف قانونی کاروائی ہوگی ،کیٹگریA اور Bکے اشتہاریوں کی فہرست بنا کر روزانہ کی بنیاد پر ریڈ کئے جائیں،سرچ آپریشن کے دوران کرایہ داروں کے مکمل کوائف اکٹھے کئے جائیں، پبلک مقامات پر حفاظتی انتظامات کو بار بار چیک کیا جائے۔ڈی آئی جی آپریشنز ڈاکٹر حیدر اشرف کی زیرصدارت اجلاس
ثنااللہ ناگرہ جمعہ 15 اپریل 2016 19:27
لاہور( اردوپوائنٹ اخبارتازہ ترین۔آئی پی اے۔15اپریل۔2016ء) :ڈی آئی جی آپریشنز ڈاکٹر حیدر اشرف نے کہا ہے کہ پولیس ہیلپ لائن 15پر کال کرنے والے کالر سے ایس ایچ اور ڈی ایس پی خود رابطہ کریں اور جائے وقوعہ کا دورہ کریں ۔15کی کال پر تخفیف جرم کرکے مقدمہ درج کرنا بالکل برداشت نہیں کیا جائے گا بلکہ ایس ایچ او کے خلاف قانونی کارروائی بھی ہوگی ۔کیٹگریA اور Bکے اشتہاریوں کی فہرست بنا کر روزانہ کی بنیاد پر ریڈ کئے جائیں اور ریڈ کرنے سے پہلے اہلکاروں کو مکمل بریف کیا جائے ۔
جن مقامات پر موٹر سائیکل یا کار چوری ہوتی ہے ان مقامات پر اہلکاروں کو انٹی وہیکل لفٹنگ سٹاف کی مد د سے گشت کوبڑھایا جائے ۔سرچ آپریشن کے دوران کرایہ داروں کے مکمل کوائف اکٹھے کئے جائیں۔اگر کسی علاقے میں منشیات فروشی یا قمار بازی میں ملوث افراد موجود ہیں تو ان کے خلاف بلا امتیاز کارروائی عمل میں لائی جائے ۔(جاری ہے)
مارکیٹوں، پارکوں و دیگر پبلک مقامات پر حفاظتی انتظامات کو بار بار چیک کیا جائے اور کمی بیشی پوری کی جائے۔
ان خیا لات کا اظہار انہوں نے آج ایس پی کینٹ کے دفتر میں کینٹ ڈویژن کے افسران کی ماہ مارچ میں کارکردگی کی جائزہ میٹنگ کے حوالہ سے اجلاس میں خطاب کے دوارن کیا۔ڈی آئی جی آپریشنز ڈاکٹر حیدر اشرف نے رابری بڑھنے پر ایس ایچ او ڈیفنس Aمحمد علی بٹ اور ایس ایچ او ڈیفنس Bزاہدنواز کو کارکردگی بہتر کرنے کی ہدایت ،جرائم کی شرح بڑھنے پر ایس ایچ او فیکٹری ایریا حماد اخترکو کارکردگی بہتر کرنے کی ہدایت ، جرائم کی شرح بڑھنے پر ایس ایچ او جنوبی چھاؤنی قمر عباس کو وارننگ، جرائم پر قابو نہ پانے پر ایس ایچ او مصطفی آباد شکیل خورشید کو کارکردگی بہتر کرنے کی ہدایت ، کار چوری بڑھنے پر ایس ایچ او تھانہ ہربنس پورہ عاطف ذوالفقار کو گشت بڑھانے کی ہدایت ، موٹر سائیکل چوری بڑھنے پر ایس ایچ او مناواں شاہد علی کو کارکردگی بہتر کرنے کی ہدایت اور جرائم بڑھنے پر ایس ایچ او برکی نوید اعظم اور ایس ایچ او تھانہ ہڈیارہ محمد اکمل کو گشت بڑھانے کی ہدایت کردی۔ڈی آئی جی آپریشنز ڈاکٹر حیدر اشرف نے اس موقع پر کینٹ ڈویژن کے اپر سباڈینٹس اور لوئر سباڈینٹس کو ہدایت کرتے ہوئے کہا کہ جب بھی سرچ آپریشن کے لئے جائیں تو بائیو میٹر ک مشینوں کے ذریعے کرایہ داروں کے کوائف چیک کر یں او ر ان کا آن لائن اندراج بھی کریں ۔تھانوں میں بائیو میٹرک مشینوں کے ذریعے حاضری کومکمل کریں اور ریڈ کرتے وقت سب سے پہلے اپنی حفاظت کو یقینی بنائیں ۔متعلقہ عنوان :
مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.