حکومتی سطح پرٹیکسٹائل انڈسٹری کی پوری چین کو سازگارکاروباری ماحول فراہم کیاجائے،طارق سعود
متعدد بنیادی نوعیت کے مسائل کے باعث اب بھی 110 ٹیکسٹائل ملیں بند ہیں،چیئرمین پاکستان ٹیکسٹائل ملز ایسوسی ایشن
جمعرات 14 اپریل 2016 18:34
کراچی (اُردو پوائنٹ اخبارتازہ ترین - این این آئی۔14 اپریل۔2016ء) حکومتی سطح پرٹیکسٹائل انڈسٹری کی پوری چین کو سازگارکاروباری ماحول فراہم کیاجائے توآئندہ 3 سالوں میں ٹیکسٹائل مصنوعات کی برآمدات20 ارب ڈالر تک پہنچ سکتی ہے، آل پاکستان ٹیکسٹائل ملز ایسوسی ایشن کے سینٹرل چیئرمین طارق سعود نے کہا ہے کہ متعدد بنیادی نوعیت کے مسائل کے باعث اب بھی 110 ٹیکسٹائل ملیں بند ہیں، حکومت سے مطالبہ ہے کہ وہ برآمدات میں اضافے اور بندوبیمار صنعتوں کی بحالی کے لیے جی آئی ڈی سی کے نفاذ کو منسوخ، زیرالتواسیلزٹیکس، انکم ٹیکس اور کسٹمزریبیٹ کے ریفنڈز کا اجرا، مناسب ٹیرف پرآرایل این جی کی بلاتعطل فراہمی اور سنتھیٹکس یارن اور فیبرکس کی رعایتی درآمدات کوختم کرے تو ملکی ٹیکسٹائل مصنوعات کی برآمدات آئندہ تین سالوں میں نہ صرف20 ارب ڈالر تک پہنچ سکتی ہے بلکہ بندوبیمارٹیکسٹائل یونٹس بحال ہوکرآپریشنل ہوسکتی ہیں،انہوں نے پولیئسٹریارن، پولیئسٹرفیبرک کی درآمدات پر15 فیصدریگولیٹری ڈیوٹی عائد کرے کیونکہ انڈونیشیا، ترکی، بھارت ودیگر ممالک نے اپنی ٹیکسٹائل انڈسٹری کے تحفظ کے لیے نہ صرف پولیئسٹریارن وفیبرکس پرکسٹمزڈیوٹی کی شرح28 فیصد عائد کررکھی ہیں بلکہ گارمنٹس پر بھی 140 سے200 فیصد کی کسٹم ڈیوٹی عائد کی ہوئی ہیں، طارق سعود نے بتایا کہ ملک میں پولیئسٹریارن اور پولیئسٹر فیبرکس کی وسیع پیمانے پر ڈمپنگ کے باعث ان مصنوعات کے 40 مینوفیکچرنگ انڈسٹریاں بند پڑی ہوئی ہیں، انہوں نے وفاقی حکومت کو تجویز دی ہے کہ وہ (ڈی ایل ٹی ایل) کی مد میں5 فیصد کی ادائیگیاں کرنے کے علاوہ لانگ ٹرم فنانسنگ سہولت کے دائرہ کارکوبھی پوری ٹیکسٹائل چین تک توسیع دینے کا اعلان کرے،فی الوقت صرف اپٹما ممبران کے سیلزٹیکس ریفنڈز کی مد میں تقریبا40 ارب روپے پھنسے ہوئے ہیں جسکی وجہ سے ٹیکسٹائل انڈسٹری مالیاتی مسائل سے دوچار ہیں، طارق سعود نے کہا کہ اپٹما ممبران بلاجواز حکومت پر دباؤڈالنے کے حق میں نہیں بلکہ اپٹما قومی مفاداور معیشت کی تیزرفتارترقی کے لیے ٹیکسٹائل انڈسٹری کو درپیش حقیقی مسائل کی نشاندہی کرتے ہوئے حکومت اور پالیسی سازوں کے ذریعے ان مسائل کا فوری حل چاہتی ہے۔
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.