پیف کا سٹوڈنٹ انفارمیشن سسٹم میں طالبعلموں کے اندراج میں جعلسازی کے مرتکب پارٹنر سکولوں سے ریکوری کا فیصلہ
پنجاب ایجوکیشن فاؤنڈیشن جعلی طالبعلموں کے حوالے سے زیرو برداشت کی پالیسی پر عمل پیرا ہے‘ ایم ڈی طارق محمود کا اجلاس سے خطاب
بدھ 13 اپریل 2016 18:58
لاہور ( اُردو پوائنٹ اخبارتازہ ترین - این این آئی۔13 اپریل۔2016ء)پنجاب ایجوکیشن فاؤنڈیشن نے سٹوڈنٹ انفارمیشن سسٹم میں طالب علموں کے اندراج میں جعل سازی کے مرتکب پارٹنر سکولوں سے ریکوری کا فیصلہ کیا ہے،ا س حوالے سے مفت تعلیمی منصوبوں کے متعلقہ قوائد و ضوابط کے مطابق جرمانے بھی کیے جائیں گے تاکہ شفافیت کا اعلیٰ ترین معیار برقرار رہے اور حقیقی طور پرمستحق طالب علموں کو مفت تعلیم کے منصوبوں سے فائدہ اٹھانے کا موقع ملے۔
یہ فیصلہ ایم ڈی پیف طارق محمود کی زیر صدارت یہاں ان کے دفتر میں منعقدہ پروگرام ڈائریکٹرز کے ہفتہ وار اجلاس میں کیا گیا۔اجلاس میں فیصلہ کیا گیا کہ یتیم طالب علموں کے خونی رشتہ دار کو پیف ریکارڈ میں سر پرست بنانے کو پالیسی گائیڈ لائنز کا حصہ بنایا جائے۔(جاری ہے)
ایم ڈی پیف نے ہدایت کی کہ سٹوڈنٹ انفارمیشن سسٹم میں طالب علموں کی تصاویر کا اپ لوڈ کر نا لازم ہے۔
ایک ماہ بعدپیف کے سٹوڈنٹ انفارمیشن سسٹم کے ڈیٹا میں بغیر تصاویر کے طالب علم جعلی تصور ہوں گے۔ اس ضمن میں تصاویر اپ لوڈ کرنے کے ساتھ ساتھ طالب علموں کے ضروری ڈیٹا کو بھی اپ ٹوڈیٹ کر لیا جائے۔ اس موقع پر فیصلہ کیا گیا کہ سٹوڈنٹ ڈیٹا کی کاؤنٹر چیکنگ کے لیے نادرا ریکارڈ سے بھی مدد حاصل کی جائے۔اجلاس نے پارٹنر سکولوں کو مفت نصابی کتب کی فراہمی کے اقدامات پر اطمینان کا اظہار کیا۔اجلاس کو بتایا گیا کہ لاہور کے 358پارٹنر سکولوں کو تقریباً3لاکھ نصابی کتب کی فراہمی کی تین روزہ مہم آج 14اپریل سے شروع کی جا رہی ہے۔پارٹنر سکولوں کو یہ کتب گلبرگ میں تقسیم کتب کے مرکز سے مہیا کی جائیں گی۔اجلاس نے اس بات کو سراہا کہ پارٹنر سکولوں نے2016کے پیک امتحانات میں بہترین کارکردگی کا مظاہرہ کیا ہے۔طارق محمود نے کہا کہ حکومت پنجاب کی جانب سے سکولوں کی سیکورٹی اور انسداد ڈینگی کے حوالے سے جاری شدہ ہدایات پر مکمل عمل درآمد کیا جائے ۔اس کے ساتھ ساتھ پبلک سروس ڈیلیوری کا معیار بہترین رکھا جائے۔ اس حوالے سے یہ بات بھی خوش آئندہے کہ پنجاب ایجوکیشن فاؤنڈیشن نے صوبے کے دور دراز علاقوں میں تعلیمی پسماندگی کے خاتمے میں نمایاں کامیابیاں حاصل کیں ہیں۔ اس طرح غریب بچوں کی تعلیم تک رسائی ممکن ہوئی ہے جبکہ نجی شعبہ کے اشتراک سے شروع کر دہ تعلیمی منصوبوں سے چھوٹے اور درمیانے درجے کے سکول پارٹنرز کو خصوصی فائدہ ہوا ہے۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.