پولیو مہم کے دوران فنگر مارکننگ کو یقینی بنایا جائے تاکہ ملکی و غیرملکی تنظیموں کو سروے کے دوان کسی قسم کی تکلیف نہ ہو،ڈپٹی کمشنر گھوٹکی
منگل 12 اپریل 2016 23:07
سکھر(اُردو پوائنٹ اخبارتازہ ترین - این این آئی۔12 اپریل۔2016ء) ڈپٹی کمشنر گھوٹکی محمد طاہر وٹو نے کہا ہے کہ پولیو مہم کے دوران فنگر مارکننگ کو یقینی بنایا جائے تاکہ ملکی و غیرملکی تنظیموں کو سروے کے دوان کسی قسم کی تکلیف نہ ہو کیوں کہ سروے کرنے والی مختلف تنظیموں کو اس حوالے سے شکایات ہیں جن کو دور کرنے کی ضرورت ہے ان خیالات کا اظہار انہوں نے کمیٹی روم میرپور ماتھیلو میں منقعد پولیو مہم کے حوالے سے اجلاس کی صدارت کرتے ہوئے کیا۔
اس موقع پر انہوں نے خطاب کرتے ہوئے کہا کہ پولیو مہم کے دوران بچوں کو پولیو کے قطرے پلانے کے بعد فنگر مارکنگ کو یقینی بنایا جائے تاکہ سروے کے دوران کسی قسم کی پریشانی کا سامنہ نہ ہو سکے کیوں کہ بعض اوقات ایسا ہوتا ہے کہ پولیو ٹیمیں بچوں کو قطرے تو پلاتی ہیں مگر فنگر مارکنگ رہ جاتی ہے جو کے رپورٹ ہوتا ہے۔(جاری ہے)
انہوں نے کہا کہ ضلع بھر میں روٹین ایمونائیزیشن کا کام سست رفتاری کا شکار ہے محکمہ صحت کی جانب سے غلط اعداد شمار پیش کیے جاتے ہیں جس وجہ سے مسائل میں اضافہ ہوجاتا ہے اس لیے محکمہ صحت کو چاہیے کہ وہ روٹین ایمونائیزیشن پر خصوصی توجہ دیں کیوں کہ روٹین ایمونائیزیشن کے بغیر پولیو مہم بھی کامیاب نہیں ہو سکتی۔
انہوں نے کہا کہ حکومت پاکستان و حکومت سندھ کی جانب سے تمام تر سہولتیں فراہم کی جارہی ہیں اس لیے تمام اداروں کا قومی فریضہ ہے کہ وہ پولیو مہم کو کامیاب بنانے میں اپنا اپنا کردار ادا کریں تاکہ ہمارا ملک پولیو وائرس سے پاک ہو سکے انہوں نے مزید کہا کہ پولیو مہم کے دوران غفلت برتنے والوں کے خلاف سخت کارروائی کی جائے کی اس لیے تمام ورکروں کو چاہیے کہ سچائی و ایمانداری سے اپنا فرض ادا کریں قبل ازیں پولیو مہم کے ڈسٹرکٹ فوکل پرسن الطاف سومرو نے بتایا کہ 25 اپریل سے پولیو مہم شروع ہوگی جو کہ 28 اپریل تک جاری رہے گی اس دوران ضلع بھر کے 3 لاکھ 48ہزار 558 بچوں کو پولیو کے قطرے پلائے جائیں گے۔متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.