بلوچستان ہائی کورٹ با ر کی ڈپٹی کمشنر صحبت پور کی جانب سے وکیل کو ہراساں کرنے کی شدید مذمت
ایک ہفتے کے اندر ہ ڈپٹی کمشنر کو معطل اور تحقیقات کی جائے بصورت دیگر ہم عدالتوں کا بائیکاٹ اور ہڑتال سمیت دیگر احتجاج کے راستے اختیار کرینگے،چیف سیکرٹری بلوچستان اور دیگر حکام سے مطالبہ
منگل 12 اپریل 2016 21:45
کوئٹہ(اُردو پوائنٹ اخبارتازہ ترین - آن لائن۔12 اپریل۔2016ء) بلوچستان ہائی کورٹ بار ایسوسی ایشن کے صدر عبدالغنی خلجی ایڈووکیٹ ، جنرل سیکرٹری نصیب اللہ ترین نے ڈپٹی کمشنر صحبت پور کی جانب سے وکیل کو ہراساں کرنے کی شدید مذمت کر تے ہوئے چیف سیکرٹری بلوچستان اور دیگر حکام سے مطالبہ کیا ہے کہ ایک ہفتے کے اندر اندر مذکورہ ڈپٹی کمشنر کو معطل کر کے اس کے خلاف تحقیقات کی جائے بصورت دیگر ہم عدالتوں کا بائیکاٹ اور ہڑتال سمیت دیگر احتجاج کے راستے اختیار کرینگے ان خیالات کا اظہار انہوں نے ہائیکورٹ بار میں صحبت پور بار ایسوسی ایشن کے صدر راحت بلیدی ایڈووکیٹ ، اجمل ایڈووکیٹ سمیت دیگر کے ہمراہ پریس کانفرنس کے دوران کیا انہوں نے کہا ہے کہ 6 اپریل کو ڈپٹی کمشنر صحبت پور زین العابدین نے بلوچستان بار کونسل کے رکن راحت بلیدی کے گھر پر بکتر بند گاڑی کے ہمراہ چھاپہ مارا اور چادر وچار دیواری کے تقدس کو پامال کر تے ہوئے انہیں اور ان کے اہل خانہ کو حراساں کر نے کی کوشش کی جس کی ہم مذمت کر تے ہیں انہوں نے بتایا کہ مذکورہ چھاپہ مارنے کی اصل وجہ این ٹی ایس ٹیسٹ متاثرین کے کیس سے دستبردار کرا نے کیلئے مارا گیا انہوں نے بتایا کہ ڈی سی نے راحت بلیدی کے خلاف جھوٹا استغاثہ بھی کروایا اور مختلف ہتھکنڈے استعمال کئے تاکہ وکیل کو پیشہ ورانہ فرائض سے روکا جا سکے انہوں نے کہا ہے کہ مذکورہ افسر نے مختلف قبائلی معتبرین اور شخصیات کے ذریعے وکیل پر دباؤ ڈالنے کی کوشش کی تاکہ وہ اس کیس سے دستبردار ہو سکے وکیل کی جانب سے کیس سے دستبردار نہ ہونے کی وجہ سے ایڈووکیٹ کے بھائیوں کے خلاف بھی کارروائی کی گئی جو کہ قانونی اور اخلاقی طور پر درست عمل نہیں انہوں نے چیف سیکرٹری بلوچستان اور اعلیٰ حکام سے مطالبہ کیا کہ ایک ہفتے کے اندر اندر ڈپٹی کمشنر صحبت پور کوفوری طور پر معطل کر کے ان کے خلاف تحقیقات نہ کروائی گئی تو بلوچستان ہائی کورٹ بارایسوسی ایشن علامتی ہڑتال کے ساتھ ساتھ بائیکاٹ بھی کریگی اگر پھر بھی ہمارے مطالبے پر عمل درآمد نہ کیا گیا تو پھر ہم سڑکوں پر احتجاج کرنے پر مجبور ہونگے جس سے حالات کی تمام تر ذمہ داری متعلقہ ڈپٹی کمشنر اور حکام پر عائد ہو گی ایک سوال کے جواب میں انہوں نے کہا ہے کہ ہم نے اعلیٰ حکام کو ایک ہفتے کا وقت دیا ہے تاکہ وہ واقع کی چھان بین کر کے مذکورہ افسر کے خلاف کا رروائی کریں۔
مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.