ہواوے نے بہترین انعامات کے ساتھ سب سے زیادہ انتظار کئے جانیوالے P9اسمارٹ فون کی پری بکنگ کا آغاز کردیا

لاہور ( اُردوپوائنٹ تازہ ترین اخبار۔11 اپریل 2016ء) لندن میں ہواوے P9کی شاندار تعارفی تقریب کے بعد ہواوے نے پاکستان میں P9کی پری بکنگ کا آغاز کردیا ہے ۔پاکستان میں P9کی ہر پری بکنگ کے ساتھ صارفین 5ہزار روپے مالیت کے گفٹ واوٴچرز کے ساتھ ایک عدد سیلفی اسٹک حاصل کرسکیں گے ۔اس کے علاوہ لکی ڈراء میں صارفین کو ہواوے اسمارٹ واچ،B2بینڈ اور نوٹ بک و ٹی شرٹس سمیت دیگر قیمتی انعامات جیتنے کے مواقع بھی ملیں گے ۔

ہواوے P9کی نمایاں خصوصیات میں اس کی 5.2انچ کی اسکرین اور مکمل ایچ ڈی ریزولوشن کے ساتھ2.5Dگلاس ڈسپلے شامل ہے ،اس کا اینڈرائیڈ 6.0 Marshmallow اورEMUI 4.1 فیچرز اور ایپلیکیشنز تک تیز ترین رسائی کو ممکن بناتا ہے ،اس میں موجود جدید HiSilicon Kirin 955 پروسیسر Mali -T880 GBUکو 3GB RAM اور 32 GBکی انٹرنل میموری کو بیک اپ حاصل ہے جبکہ اس کے اسکوائر فنگر پرنٹ ریڈر صارفین کے ڈیٹا کی سیکورٹی کو یقینی بناتے ہیں۔

(جاری ہے)

ہواوے P9میں Leica کے دو 12میگا پکسل کے لینس موجود ہیں جبکہ اس کا کیمرہ ڈیول پکسل ٹیکنالوجی اور دو اپرچر سے لیس ہے جو کہ اسے الٹی میٹ ہائی کیمرہ بناتا ہے ۔اس کا کیمرہ انتہائی کم روشنی میں بھی روشن اور بہتر تصویر فراہم کرتا ہے ۔ہواوے پاکستان کے منیجنگ ڈائریکٹر مسٹر شان کا کہنا ہے کہ ہواوے کی یہ نئی فلیگ شپ ڈیوائس صارفین کو اسمارٹ فونز سے متعلق بہترین تخلیقات کی فراہمی یقینی بنانے کیلئے ہمارے عزم کی مکمل عکاسی کرتی ہے۔

ہواوے P9صارفین کو خوبصورتی کے ساتھ ساتھ اسمارٹ فون کے جدید ترین تجربے سے بھی ہم آہنگ کرے گا اور پاکستان میں صارفین منتخب اسٹورز سے ہواوے P9 کی پری بکنگ کی سہہولت سے استفادہ کرسکتے ہیں۔ہواوےP9کا 8میگا پکسل کا فرنٹ کیمرہ سیلفی کیلئے بہترین ہے جبکہ اس کی 3000 mAh کی بیٹری محض ایک چارج پر12گھنٹے کیHDوڈیو،آٹھ گھنٹے کی براوٴزنگ ،20گھنٹے کی کالز اور56منٹ میوزک سے لطف اندوز ہونے کو یقینی بناتی ہے۔