شام ،دمشق میں سیمنٹ کی فیکٹری پرداعش کا حملہ،250افرادکو اغواء کرلیاگیا
پیر کی دوپہر سے ہم اپنے گھر والوں سے ملاقات نہیں کر پائے ہیں، ہمیں کوئی خبر نہیں ہے کہ وہ کہاں ہیں،مقامی رہائشیوں کی گفتگو
جمعرات 7 اپریل 2016 22:24
دمشق(اُردو پوائنٹ اخبارتازہ ترین - این این آئی۔07 اپریل۔2016ء) دمشق کے مشرقی علاقے میں قائم ایک سیمنٹ فیکٹری پرداعش جنگجوؤں کے حملے کے بعد اس علاقے سے دو سو پچاس شامی باشندوں کی گمشدگی کی اطلاعات ہیں،عرب ٹی وی کے مطابق خیال کیا جا رہا ہے کہ سینکڑوں کی تعداد میں شامی باشندوں کو داعش کے انتہاپسند باغیوں نے اغوا کر لیا ہے۔ گزشتہ چند ہفتوں کے دوران شامی حکومتی فورسز اور ان کے اتحادیوں کی طرف سے متعدد مقامات پر شکست خوردہ ہونے، خاص طور سے شام کے قدیم ثقافتی شہر پالمیرا پر سے اپنے قبضے کے خاتمے کے بعد سے جہادیوں نے مشرقی دمشق میں ایک بڑی کارروائی کا آغاز کر دیا ہے۔
پاالمیرا کو ’اسلامک اسٹیٹ‘ کے قبضے سے چْھڑانے کے بعد شامی اور اتحادی فورسز نے کہا تھا کہ اس علاقے کے رہائشی سنیچر کے روز سے اپنے گھروں کو لوٹنا شروع کر دیں گے۔(جاری ہے)
داعش کی طرف سے دمشق پر یہ تازہ ترین حملہ آئندہ ہفتے جینیوا میں امن مذاکرات کے انعقاد سے چند روز پہلے ہوا ہے۔ جینوا مذاکرات کا یہ نیا دور شامی حکومت اور غیر جہادی باغیوں کے مابین فائربندی کے تناظر میں منعقد ہوگا۔
ماہرین کا کہنا ہے کہ فائر بندی کے سبب ہی شامی فورسز کو اپنی تمام تر توجہ اور قوت داعش کے خلاف لڑنے پر مبذول کرنے کا موقع فراہم ہوا۔27 مارچ کو پالمیرا سے نکال باہر کیے جانے کے بعد آئی ایس کے جنگجوؤں نے دمشق سے مشرق کی طرف 50 کلومیٹر کے فاصلے پر قائم شہر دمیر کے نزدیک یہ تازہ ترین حملہ کیا ۔جمعرات کو جس سیمنٹ فیکٹری پر حملہ کیا گیا اْس کے قریب 250 کارکنوں کے لاپتہ ہونے کے بارے میں اس فیکٹری کے منتظم اعلیٰ نے کہا کہ یہ کارکن گزشتہ پیر سے لاپتہ ہیں۔ اس علاقے کے رہائشیوں میں سے ایک نے بیان دیتے ہوئے کہاکہ پیر کی دوپہر سے ہم اپنے گھر والوں سے ملاقات نہیں کر پائے ہیں۔ ہمیں کوئی خبر نہیں ہے کہ وہ کہاں ہیں۔ شہر دمیر دو حصوں میں منقسم ہے۔ مشرقی حصہ آئی ایس کے کنٹرول میں ہے جبکہ مغربی دمیر پر باغیوں کا قبضہ ہے۔ اس کے باوجود اس علاقے کے ارد گرد متعدد ایسی پوزیشنز ہیں جو ہنوز دمشق حکومت کے قبضے میں ہیں۔ ان میں ایک ملٹری ایئرپورٹ ٹاور ایک پاور پلانٹ شامل ہیں۔مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.