مسلمانوں کے قاتل مودی کو سب سے بڑا سعودی ایوارڈ ، پاکستانی حکمرانوں کے لئے لمحہ فکریہ ہے، پیر معصوم نقوی
ملکی سلامتی کے تحفظ کے لئے بھارتی سعودی گٹھ جوڑ سے خبردار رہنا ہوگا مسلمانون کی میراث پر قابض آل سعود ،امریکہ، اسرائیل اور انڈیا کے حقوق کا تحفظ کررہے ہیں، سربراہ جے یو پی نیازی
جمعرات 7 اپریل 2016 21:43
لاہور(اُردو پوائنٹ اخبارتازہ ترین - آن لائن۔07 اپریل۔2016ء) جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے کہا ہے کہ عسکری اور سیاسی قیادت کو ملکی سلامتی کے لئے بھارتی اور سعودی گٹھ جوڑ کے مقابلے کے لئے تیار رہنا ہوگا۔ کیونکہ دونوں دوسرے ممالک میں مداخلت کو اپنا حق سمجھتے ہیں۔ مسلمانوں کے قاتل مودی کو سب سے بڑا سول ایوارڈ دینا ، پاکستانی حکمرانوں کے لئے لمحہ فکریہ ہے۔
جمعیت سیکرٹریٹ میں میڈیاسے گفتگو کرتے ہوئے پیر معصوم نقوی نے کہا کہ گجرات فسادات کے ذمہ دار، مسلمانوں کے قاتل اور پاکستان کو توڑنے کی فاشسٹ مکتی باہنی تحریک کے سرگرم رہنما اور کشمیریوں کے قاتل بھارتی وزیر اعظم نریندر مودی کی جس طرح سے عزت افزائی سعودی فرما روا نے کی ہے، پاکستانی حکمرانوں کے لئے ڈوب مرنے کا مقام ہے۔(جاری ہے)
انہوں نے کہا کہ ملکی مفادات کے تحفظ سے گریزاں موجودہ حکمران سعودی تنخواہ دار ہیں، چیف آف آر می سٹاف جنرل راحیل کو نوٹس لیناچاہیے۔
ان کاکہنا تھاکہ مسلمانوں کی میراث پر قابض آل سعود ،امریکہ، اسرائیل اور انڈیا کے حقوق کا تحفظ کررہے ہیں، مسلم ممالک کو اپنی مضبوط صف بندی کرنا ہوگا۔ کیونکہ نوا زشریف ملکی مفادات کا سود ا کرچکے ہیں اورسعودی غلام کا کردار ادا کررہے ہیں۔ پیر معصوم نقوی نے کہا کہ پاکستانی حکمرانوں کے لئے لمحہ فکریہ ہے کہ سعودی عرب نے اپنا سب سے بڑا سول ایوارڈ مودی کو دیا ہے جو آج تک کسی پاکستانی حکمران کو نہیں دیا گیا، حالانکہ جب بھی مشکل وقت آیا تو پاکستان نے سعودی عرب کی مدد کی۔ مگر اس کے عوض ہمیں کیا ملا۔ ملک میں فرقہ وارانہ دہشت گردی کے پیچھے بھارت کے ساتھ کون ملک ہے، جو بلوچستان میں حالات ٹھیک نہیں ہونے دے رہا؟ انہوں نے کہا کہ پارلیمنٹ کی طرف سے یمن کے مسئلے پر فوج بھجوانے کی اجازت نہ دینے کا رنج سعودی عرب نہیں بھولا۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.