مالا کنڈ ڈویژن کو ٹیکسوں سے مستثنیٰ قرار دیا جائے ،خیبر پختونخوا حکومت
جمعرات 7 اپریل 2016 12:21
پشاور(اُردو پوائنٹ اخبارتازہ ترین - آن لائن۔07 اپریل۔2016ء) خیبر پختونخوا حکومت نے کہا ہے کہ شدت پسندی سے متاثرہ صوبے کے زیر انتظام قبائلی علاقہ مالا کنڈ ڈویژن میں کسٹم ایکٹ کے نفاذ کا فیصلہ واپس لینے کیلیے سمری صدر مملکت کو بھیجی جا رہی ہے تاکہ وہاں کے عوام کو ٹیکسوں سے مستثنیٰ قرار دیا جائے۔خیبر پختونخوا حکومت کے ترجمان مشتاق غنی نے تصدیق کی ہے کہ صوبائی حکومت کی طرف سے سفارشات پر مبنی ایک سمری تیار کی ہے، انھوں نے کہا کہ سمری میں موقف اختیار کیاگیا ہے کہ مالا کنڈ ڈویژن گذشتہ کئی برسوں سے دہشت گردی اور شدت پسندی سے بری طرح متاثر رہا ہے اور عوام نے بڑے نقصانات برداشت کیے لہٰذا اس علاقے میں نافذ کردہ کسٹم ایکٹ کے فیصلے کو واپس لیا جائے۔
انھوں نے کہا کہ گذشتہ سال ایپکس کمیٹی کے اجلاس میں یہ فیصلہ اس بنیاد پر کیا گیا تھا کہ مالا کنڈ ڈویژن میں شدت پسندی کے واقعات میں نان کسٹم پیڈ گاڑیاں بڑی تعداد میں استعمال ہو رہا ہے اس وجہ سے دہشت گردی روکنے کی بنا پر اس علاقے کو ٹیکس نیٹ میں شامل کیا گیا تھا۔(جاری ہے)
مشتاق غنی نے مزید بتایا کہ مالاکنڈ کے تمام اضلاع کے حالات میں اب کافی حد تک بہتری آئی ہے لہٰذا اس بنیاد پر وہاں ٹیکس کے نفاذ کی کوئی ضرورت باقی نہیں رہی۔
ان سے جب سوال کیا گیا کہ صدر مملکت صوبائی حکومت کی سفارشات کو تسلیم کریں گے یا نہیں تو اس پر مشتاق غنی نے کہا کہ جب صوبے کی طرف سے ایکٹ کی نفاذ کی واپسی کی سفارشی کی جا رہی ہے تو صدر مملکت کو ضرور قبول کرنا چاہیے۔ادھر دوسری طرف مالا کنڈ ڈویژن میں کسٹم ایکٹ کے نفاذ کے خلاف احتجاج کا سلسلہ بدستور جاری ہے۔گذشتہ چند دنوں کے دوران صوبے کے تمام سیاسی جماعتوں کی طرف سے اس ایکٹ کے خلاف مختلف شہروں میں احتجاجی مظاہرے اور جلسے جلوس منعقد کیے گئے۔ تاہم اس سے پہلے کہ یہ تحریک مزید زور پکڑتی، صوبائی حکومت نے فیصلہ واپس لینے کے لیے صدر مملکت سے سفارش کر دی۔خیال رہے کہ مالاکنڈ ڈویژن میں کسٹم ایکٹ کے نفاذ کا فیصلہ ایک سال قبل کیا گیا تھا تاہم اس ضمن میں باقاعدہ اعلامیہ چند دن پہلے گورنر ہاوٴس پشاور سے جاری کیا گیا تھا۔اس ایکٹ کے اعلان کے ساتھ ہی اس کے خلاف تمام سیاسی جماعتوں کی جانب سے سخت ردعمل سامنے آیا جس کے بعد صوبے میں حکمران جماعت تحریک انصاف اور مسلم لیگ ن کی جانب سے ایک دوسرے پر الزامات بھی لگائے گئے۔حکمران پی ٹی آئی کا موقف ہے کہ یہ ٹیکس وفاقی حکومت کی طرف سے لگایا گیا ہے جبکہ مسلم لیگ ن کا کہنا ہے کہ سمری گورنر خیبر پختونخوا کی طرف سے ضرور بھیجی گئی ہے لیکن اس کی سفارش صوبائی حکومت کی طرف سے دی گئی تھی۔متعلقہ عنوان :
مزید اہم خبریں
-
حکومت نے بینکوں سے ریکارڈ 55 کھرب روپے قرض لے لیا
-
صدرآصف علی زرداری کی ڈیرہ اسماعیل خان میں کسٹمز حکام پر دہشت گرد حملے کی مذمت
-
وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات،آئی ایف سی کی سرگرمیوں میں تیزی پر اطمینان کا اظہار
-
وزیرِاعظم کی ڈیرہ اسماعیل خان کے علاقے درابن میں کسٹمز حکام کی گاڑی پر حملے کی مذمت
-
وفاقی وزیرداخلہ محسن نقوی سے ایرانی سفیر ڈاکٹررضا امیری مقدم کی ملاقات، ایرانی صدر کے دورہ پاکستان کے حوالے سے گفتگو
-
ہیٹی: حکومتی رٹ ختم، مسلح گروہوں کے تشدد میں ہوشربا اضافہ
-
ایلون مسک کا ’ٹیسلا کی بھاری ذمہ داریوں‘ کی وجہ سے بھارت کا دورہ ملتوی کرنے کا اعلان
-
پہلی بیوی کی اجازت کے بغیر دوسری شادی کرنے والے شوہر کو 3 ماہ قید کا حکم
-
’سبھی امریکی سیاستدان ایک جیسے‘، خود سوزی کرنے والے کا الزام
-
عراق میں فوجی اڈے پر حملہ، ایران نواز مسلح گروہ نشانے پر
-
سوشل میڈیا ہو یا مین سٹریم ن لیگ بیانیہ بنانے میں ناکام رہی ہے،سینیٹر عرفان صدیقی کااعتراف
-
بشریٰ بی بی کا میڈیکل چیک اپ مکمل واپس بنی گالا سب جیل منتقل کر دیاگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.