پی آئی اے کو پبلک لمیٹڈ کمپنی بنانے کے حوالے سے بل پر حکومت اور اپوزیشن جماعتوں کا اتفاق ہوگیا، 11 اپریل کو بل منظوری کیلئے پارلیمنٹ کے مشترکہ اجلاس میں پیش کیا جائے گا
بدھ 6 اپریل 2016 22:11
اسلام آباد ۔ 6 اپریل (اُردو پوائنٹ اخبارتازہ ترین - اے پی پی۔06 اپریل۔2016ء) قومی ایئر لائن (پی آئی اے) کو پبلک لمیٹڈ کمپنی بنانے کے حوالے سے بل پر حکومت اور اپوزیشن جماعتوں کا اتفاق ہو گیا ہے جس کے تحت بل 11 اپریل کو منظوری کے لئے پارلیمنٹ کے مشترکہ اجلاس میں پیش کیا جائے گا۔ پی آئی اے ملازمین کو ملازمتوں کا تحفظ دینے اور قومی ایئر لائن کا انتظامی کنٹرول کسی سٹریٹجک پارٹنر کو نہ دینے کے حوالے سے بل میں ترامیم لائی جائیں گی۔
یہ اتفاق رائے بدھ کو پارلیمنٹ کے مشترکہ اجلاس میں زیر غور قانون سازی کے حوالے سے قائم خصوصی کمیٹی کے اجلاس میں ہوا۔ اجلاس کی صدارت رکن قومی اسمبلی زاہد حامد نے کی جبکہ کمیٹی کے ارکان سید نوید قمر، اسد عمر، سینیٹر سعید غنی، وسیم حسین سمیت اپوزیشن اور حکومتی ارکان پارلیمنٹ نے شرکت کی۔(جاری ہے)
وزیر خزانہ اسحاق ڈار کمیٹی کے اجلاس میں خصوصی طور پر شریک ہوئے۔
اجلاس میں قومی ایئر لائن پی آئی اے کو کمپنی بنانے کے حوالے سے بل کے مسودے پر تفصیلی غور و خوض ہوا۔ تمام ارکان نے بل کی ایک ایک شق پر سیر حاصل بحث کی جس کے بعد پی آئی اے کو لمیٹڈ کمپنی بنانے پر حکومت اور اپوزیشن کے درمیان اتفاق رائے ہوگیا اور یہ طے پایا کہ پی آئی اے کا انتظامی کنٹرول کسی سٹریٹجک پارٹنر کے حوالے نہیں کیا جائے گا اور زیادہ سے زیادہ 49 فیصد حصص فروخت کئے جا سکیں گے جبکہ 51 فیصد حصص حکومت اپنے پاس رکھے گی۔ پی آئی اے کا ہیڈ کوارٹرز بدستور کراچی میں رہے گا۔ پی آئی اے کا تمام تر انتظام بورڈ آف گورنر چلائے گا۔ بورڈ میں حصص کے تناسب سے نمائندگی دی جائے گی اور پی آئی اے ملازمین کو ملازمتوں کا مکمل تحفظ دیا جائے گا۔ کمیٹی کے ارکان نے مطالبہ کیا کہ ان تمام سفارشات کو بل کے مسودے میں ترامیم کی صورت میں شامل کیا جائے جس پر حکومت کی جانب سے مکمل آمادگی کا اظہار کیا گیا اور کمیٹی میں اتفاق رائے سے فیصلہ ہوا کہ بل کے حوالے سے کمیٹی کی سفارشات کو ترامیم کی صورت میں بل کا حصہ بنایا جائے گا۔ اپوزیشن ارکان نے مطالبہ کیا کہ پی آئی اے کے احتجاجی ملازمین پر بنائے گئے مقدمات ختم کئے جائیں جس پر وزیر خزانہ اسحاق ڈار نے کہا کہ یہ کمیٹی کا مینڈیٹ نہیں۔ اس حوالے سے ہم الگ بیٹھ کر فیصلہ کرلیں گے۔ کمیٹی کے چیئرمین زاہد حامد نے کمیٹی کے ارکان سے کہا کہ غیرت کے نام پر قتل اور زناء بالجبر بلوں پر اتفاق رائے پیدا کرنے کے لئے بھی ہر ممکن کوششیں بروئے کار لائی جائیں جس پر کمیٹی کے ارکان نے آمادگی کا اظہار کیا۔مزید اہم خبریں
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.