داعش کادمشق پرحملہ،جوابی کارروائی میں سیکڑوں جنگجوؤں کو ہلاک کردیاگیا
شامی فوج کی دیمیر پر گولہ باری، فضائی حملے ،جھڑپوں میں نو شہری اور داعش کے 28 جنگجو جان سے گئے شامی باغیوں کی حلب میں کرد آبادی والے علاقے شیخ مقصود پر گولہ باری، ایک حاملہ عورت اور تین بچوں سمیت 23 افراد ہلاک اور تیس بچوں سمیت ستر زخمی ہوگئے
بدھ 6 اپریل 2016 21:54
دمشق (اُردو پوائنٹ اخبارتازہ ترین - این این آئی۔06 اپریل۔2016ء) داعش کے جنگجوؤں نے دمشق کے نزدیک حکومت کی عمل داری والے ایک علاقوں پر حملہ کردیاجبکہ جوابی کارروائی میں تمام سیکڑوں جنگجوؤں کو ہلاک کردیاگیا،دوسری جانب داعش کے حملہ آوروں نے دمشق میں شمال مشرق میں واقع ایک ہوائی اڈے کے نزدیک فوجی تنصیبات اور چوکیوں کو خودکش دھماکوں سے نشانہ بنایا اوربارود سے بھری پانچ کاریں دھماکوں سے اڑادیں جن کے نتیجے میں بارہ شامی فوجی ہلاک ہوگئے ،داعش کی بارود سے بھری پانچ گاڑیوں کے ڈرائیور جھڑپوں میں ہلاک ہوگئے ۔
ایک اورواقعہ میں شامی فوج نے دمشق کے شمال مشرق میں واقع قصبے دیمیر پر گولہ باری کی اور فضائی حملے کیے،اس قصبے پر داعش کے حامی ایک باغی گروپ نے قبضہ کررکھا ہے،فضائی حملوں میں نو شہری اور داعش کے پندرہ جنگجو مارے گئے ،بعدازاں اسی علاقے کے نواح میں 13جنگجو مارے گئے ،اس سے قبل شامی باغیوں نے حلب میں کرد آبادی والے علاقے شیخ مقصود پر گولہ باری کی جس سے ایک حاملہ عورت اور تین بچوں سمیت 23 افراد ہلاک اور تیس بچوں سمیت ستر زخمی ہوگئے ،عرب ٹی وی کے مطابق بدھ کو داعش نے ایک بیان میں کہا کہ انھوں نے دمشق کے شمال مشرق میں پچاس کلومیٹر دور واقع تشرین پاور اسٹیشن پر حملہ کیا،شامی فوج نے بھی اس حملے کی تصدیق کی لیکن کہاکہ تمام سیکڑوں حملہ آوروں کو ہلاک کردیا گیا ،شامی فوج کے ایک ذریعے کا کہنا تھا کہ داعش کا دمشق کے باہر حملہ ان کی تدمر سے پسپائی کا ردعمل ہوسکتا ہے،شامی فوج نے اسی ہفتے روسی فضائیہ کی مدد سے داعش کے جنگجوؤں کو وسطی صوبے حمص میں واقع ایک اور قصبے القریتین سے بھی لڑائی کے بعد نکال باہر کیا ہے اور وہاں دوبارہ قبضہ کر لیا ۔(جاری ہے)
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.