پیپلزیوتھ پشاورڈیثرن کے زیر اہتمام شہید بھٹو کی برسی عقیدت و احترام سے منائی گئی

بدھ 6 اپریل 2016 18:57

پشاور(اُردو پوائنٹ اخبارتازہ ترین - این این آئی۔06 اپریل۔2016ء) پیپلز یوتھ آرگنائزیشن پشاورڈیثرن کے زیر اہتمام شہید ذوالفقار علی بھٹوکی برسی تقریب پشاور ڈیثرن کے کوارڈینٹر فرحان عظیم خان کے زیر صدارت شایان ہال میں منعقد ہوا جس کے مہمان خصوصی پیپلز پارٹی کے صوبائی سیکرٹری اطلاعات لیاقت شباب اور محمد اکبر خان ایڈوکیٹ تھے جس میں پیپلزیوتھ کے صوبائی صدر غلام مصطفی ،ملک تہماش خان ،فرحان عظیم خان، منصف خان،زکریہ اور دیگر عہدیداروں اور کارکنوں نے کثیر تعداد میں شرکت کی ،تقریب سے لیاقت شباب ،محمد اکبر خان،غلام مصطفی اور فرحان عظیم خان نے خطاب کیا ، برسی تقریب میں شہید ذولفقار علی بھٹو کو اْن کے ملک و قوم کے لئے دی جانے والی عظیم قربانیوں اور خدمات پر خراج تحسین پیش کیا گیا اور فاتحہ خوانی اور ملک و قوم کے ترقی خوشحالی امن کے لئے خصوصی دعائیں کی گئی برسی تقریب سے خطاب کرتے ہوئے مقررین نے کہا کہ شہید بھٹو نے سیاست کو ڈرائنگ روم سے نکال کر گلی کوچوں اور بازاروں کی رونق بنا دیا شہید بھٹو کو کوئی بھی جبر و تشدد عوام کے زہنوں سے دلوں سے شہید ذوالفقار علی بھٹو کے افکار کو نہیں مٹا سکتا ہم اپنے شہیدوں کے لہواور شہداء کی قربانیوں کو رائیگا ں نہیں جانے دیں گے اپنے قائد کی طرح ہم بھی اصولوں پر مرمٹیں گے ملک میں تمام اقلیت ،ہر محنت کش ،مزدور کسان اور نو جوان بھٹو ہے آج پورا ملک بھٹو ہے ہم شہید بھٹو کی عظیم قربانیاں جو ملک و قوم کے لئے دی سلام و خراج تحسین پیش کرتے ہے ،انہوں نے کہا کہ شہید بھٹو نے انتہائی کم عرصے میں بڑے عظیم کارنامے انجام دیئے ہیں جن کی بدولت ملک کے عوام کے دلوں میں آج بھی انکی حکمرانی ہے جو صدیوں تک رہے گی شہید بھٹو نے 1973کے سانحے کے بعدہاری ہوئی قوم کو نیا حوصلہ دے کر ایک نئے پاکستان کی بنیاد رکھی بھٹو شہید نے کہا ہم گھاس کھا کر گزارا کرلیں گے مگر ایٹمی صلاحیت حاصل کرکے رہے گے اسی جذبے کے ساتھ شہید بھٹو نے ہمت کے ساتھ ایٹمی صلاحیت کے حصول کی جدجہد تیز کی اور پاکستان کو ایٹمی ملک بنایا پیپلز پارٹی چیئرمین بلاول بھٹو زرداری کی قیادت میں منظم و فعال ہے ہم تمام اقلیتی برادری کے جیالے عہد کرتے ہے کہ ہم شہید ذوالفقار علی بھٹو شہید محترمہ بے نظیر بھٹو کے مشن کو پایا تکمیل تک کسی بھی قربانی سے دریغ نہیں کرینگے ۔

متعلقہ عنوان :