عالمی منڈیوں سے مقابلے کیلئے اپنی زراعت کو موسمی تبدیلیوں کے مطابق ڈھالناہو گا‘وزیر زراعت پنجاب
وزیر اعلیٰ پنجاب کے اعلان کردہ 100ارب روپے کے کسان پیکج کی شفاف تقسیم یقینی بنائیں گے‘ڈاکٹر فرخ جاوید صوبائی وزیر زراعت ڈاکٹر فرخ جاوید کاایکسپو سینٹر میں بین الاقوامی زرعی نمائش کا دورہ؛سٹالز کا معائنہ،کاشتکاروں سے گفتگو
بدھ 6 اپریل 2016 18:10
لاہور (اُردو پوائنٹ اخبارتازہ ترین - این این آئی۔06 اپریل۔2016ء) صوبائی وزیر زراعت ڈاکٹر فرخ جاوید نے لاہور ایکسپو سینٹر میں دو روزہ بین الاقوامی زرعی نمائش 2016کا دورہ کیا اور 40مختلف کمپنیوں کی جانب سے لگائے گئے سٹالز کا ف معائنہ کرتے ہوئے کاشتکاروں سے گفتگو کی۔ اس موقع پر میڈیا کے نمائندوں سے گفتگو میں ڈاکٹر فرخ جاوید کا کہنا تھا کہ عالمی منڈیوں میں اپنا مقام بنانے کیلئے ہمیں اپنی زراعت کو تیزی سے رونما ہونے والی موسمی تبدیلیوں کے مطابق ڈھالنا ہو گا۔
کاشتکاروں کی پیداواری لاگت کو کم کر کے انکے منافع میں اضافہ ہمارا اصل مقصد ہے تاکہ کسان خوشحال ہو۔انہوں نے کہا کہ وزیراعلیٰ پنجاب نے حال ہی میں ملکی تاریخ کی سب سے بڑی زرعی کانفرنس میں کسانوں کیلئے 100ار روپے کے زرعی پیکج کا علان کیا ہے ۔(جاری ہے)
ڈاکٹر فرخ جاوید نے کہا کہ اس رقم کو بہترین اندازمیں کسان کی دہلیز تک پہناچے کیلئے حکمت عملی تیار کر رہے ہیں۔
انہوں نے کہا کہ کسان پیکج کی شفاف تقسیم کو ہر صورت یقینی بنایا جائے گا۔ ان کا کہنا تھا کہ کاشتکاروں کی حالت بہتر بناکر ہی زراعت کو ترقی دی جاسکتی ہے۔انہوں نے بتایا کہ کسانوں کیلئے 22ارب روپے کی سبسڈی سے 10.35پیسے فلیٹ ریٹ پر بجلی فراہم کر رہے ہیں۔وزیر زراعت نے بتایا کہ اس سے پہلے بھی وفاقی حکومت کی جانب سے اعلان کردہ 341ارب روپے کے تاریخی کسان پیکج کی پنجاب میں جلد از جلد میرٹ کی بنیاد پر تقسیم کو یقینی بنایا ہے۔ انہوں نے کہا کہ چاول اور کپاس کے کاشتکار کو شدید نقصان سے بچانے کیلئے پانچ پانچ ہزار روپے فی ایکٹر تقسیم کیا گیا تاکہ کسان اگلی فصل بو سکے۔انہوں نے کہا کہ اس وقت حکومت کی تمام تر توجہ زراعت پر ہے اور انکی پوری کوشش ہے کہ ملکی کسان کو بہتر پیداوار اور منافع دلوایا جا سکے۔انہوں نے کہا کہ زرعی مداخل کی قیمتوں میں کمی وقت کی اشد ضرورت ہے تاکہ کسان کو عالمی منڈیوں میں زرعی اجناس کی گرتی قیمتوں کے اثرات سے بچایا جا سکے۔ زرعی نمائش میں چالیس سے زائد ملکی اور بین الاقوامی اداروں نے اپنے سٹالز لگائے ہیں جہاں کسانوں کو جدید طریقہ ہائے کاشتکاری اور زیادہ سے زیادہ پیداوار حاصل کرنے کے حوالے سے مفید معلومات فراہم کی جا رہی ہیں۔متعلقہ عنوان :
مزید تجارتی خبریں
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.