کرکٹ آسٹریلیا نے نیاکنٹریکٹ حاصل کرنے والی ویمن کرکٹرز پر ڈالرز کی بارش کردی

بدھ 6 اپریل 2016 13:27

کرکٹ آسٹریلیا نے نیاکنٹریکٹ حاصل کرنے والی ویمن کرکٹرز پر ڈالرز کی ..

سڈنی (اُردو پوائنٹ اخبارتازہ ترین - این این آئی۔06 اپریل۔2016ء) کرکٹ آسٹریلیا نے نیاکنٹریکٹ حاصل کرنے والی ویمن کرکٹرز پر ڈالرز کی بارش کردی جس سے خواتین کھلاڑی سالانہ ایک لاکھ ڈالر سے زیادہ کماسکیں گی۔

(جاری ہے)

تفصیلات کے مطابق کرکٹ آسٹریلیا نے 16خواتین کھلاڑیوں کو کنٹریکٹ دینے کا فیصلہ کیا ‘ کنٹریکٹ میں شامل زیادہ تر کرکٹرز سالانہ ایک لاکھ آسٹریلوی ڈالرز سے زیادہ کما سکیں گی ‘کرکٹ آسٹریلیا ساڑھے 23 لاکھ کے بجائے 42 لاکھ ڈالر ویمن کرکٹرز میں تقسیم کرے گا بورڈ کی طرف سے سنٹرل کنٹریکٹ کی رقم کے علاوہ ٹورفیس ، میچ فیس ، ٹی ٹوینٹی لیگ اور ڈومیسٹک فیس بھی دی جائیگی جس کے بعد ویمن کرکٹ ٹیم آسٹریلیا میں سب سے زیادہ کمانے والی ٹیم بن گئی۔