نیوجرسی: جعلی یونیورسٹی کی ویب سائٹ بنا کر امیگریشن فراڈ کرنے والے21افرادگرفتار
میاں محمد ندیم بدھ 6 اپریل 2016 10:39
نیویارک(ا ردو پوائنٹ اخبارتازہ ترین-انٹرنیشنل پریس ایجنسی۔06اپریل۔2016ء)امریکی حکام نے ایک جعلی یونیورسٹی کی ویب سائٹ بنا کر امیگریشن فراڈ بے نقاب کیا جس کے بعد 21 افراد کو گرفتار کیا گیا ہے۔حکام کا کہنا ہے کہ گرفتار ہوبنے والے ملزمان جانتے تھے کہ شمالی نیو جرسی میں اسی کسی یونیورسٹی کا وجود نہیں ہے لیکن وہ یہ نہیں جانتے تھے کہ یہ سب امیگریشن ایجنٹس کا پھیلایا ہوا جال ہے۔
حکام کے مطابق گرفتار افراد نے سٹوڈنٹ یا کام کرنے کے لیے ویزے کے حصول کے خواہشمند کم سے کم 1000 غیر ملکیوں کے لیے بروکر کا کام کیا۔اس منصوبے کے تحت آنے والوں میں زیادہ تر کا تعلق چین اور انڈیا سے تھا۔امیگریشن حکام ان غیر ملکیوں کا معاملات دیکھیں گے تاہم ان کے خلاف مقدمہ قائم نہیں کیا جائے گا۔(جاری ہے)
نیو جرسی کے اٹارنی پال فشمین کے مطابق یہ ’پے ٹو سٹے‘ یعنی رقم دے کر رہائش پذیر ہونے کا ایک اور معاملہ ہے۔
وفاقی ایجنٹس نے ایک جعلی ویب سائٹ بنائی اور منتظمین بن کر مشتبہ افراد سے رابطہ رکھا۔پراسیکیوٹر کا کہنا تھا کہ ایجنٹس نے ملزمان کی گفتگو ریکارڈ کی جس سے یہ اندازہ ہوا کے ویزے کی طوالات کے لیے رقم دینے کا معاملہ طویل عرصے سے جاری ہے۔ جعلی یونیورسٹی 2012 میں ہوم لینڈ سکیورٹی کی طرف سے امریکہ میں ویزا فراڈ کو روکنے کی کوشش کے سلسلے میں قائم کی گئی تھی۔نیو جرسی کے امریکی اٹارنی پال فشر مین نے نامہ نگاروں کو بتایا کہ جیسے ہی اس یونیورسٹی کے بارے میں بات عام ہوئی ویزا کے ایجنٹوں اور یونیورسٹی میں داخلے کے متمنی افراد نے بڑی تعداد میں اس جعلی یونیورسٹی کا رخ کیا۔ ان میں سے ایک نے پال کے سامنے تسلیم کیا کہ یہ کام ایک طویل عرصے سے جاری تھا جو کہ پیسے خرچ کر کے امریکہ میں رہنے کا ایک راستہ ہے۔ان 21 افراد پر جو قانونی طور پر امریکہ میں مقیم ہیں پر ویزا فراڈ کے لیے سازش کرنے اور غیر ملکیوں سے رقم بٹورنے کی سازش کرنے کی فرد جرم عائد کی گئی ہے۔ اس اسکینڈل سے فائدہ اٹھانے والے زیادہ تر غیر ملکیوں کا تعلق بھارت اور چین سے تھا اور وہ پہلے ہے سے عارضی قیام کے ویزے پر امریکہ میں موجود تھے تاہم وہ اپنے قیام کو طویل کرنے کے طریقوں کی تلاش میں تھے۔حکومتی عہدیداروں نے بتایا کہ فی الوقت 12 لاکھ طلبا جو تعلیمی ویزے پر امریکہ میں ہیں ان میں زیادہ تر قانونی طور پر صحیح اداروں میں تعلیم حاصل کر رہے ہیں۔امریکہ بھر میں اسٹوڈنٹ ویزا فراڈ کے کئی کیسز سامنے آئے ہیں جس کے باعث امیگریشن افسروں کو اس حوالے سے دباو کا سامنا ہے کہ وہ ویزا درخواست دہندگان کی چھان بین کرتے ہوئے ان کے دہشت گردی سے کسی ممکنہ تعلق کا بھی جائزہ لیں۔مزید اہم خبریں
-
آپ محافظ ہیں مالک نہیں
-
مشرقی افریقہ میں غیر معمولی سیلابوں سے لاکھوں لوگ بے گھر
-
گوگل نے پاکستان میں مصنوعی ذہانت (AI) کی مہارت کو فروغ دینے کے لیے اپنی سپورٹ دگنی کردی
-
شعبہ صحت میں 145 ارب روپے کی لاگت سے 7 میگا پراجیکٹ زیر تکمیل ہیں: مریم اورنگزیب
-
سکیورٹی فورسز کے خیبرپختونخواہ میں دو الگ الگ آپریشن ، 6دہشتگرد مارے گئے
-
سیکرٹری داخلہ نے اسلام آباد ہائیکورٹ کے حکم کے مطابق عملدرآمد نہیں کیا،اہلیہ پرویز الہی
-
صدرمملکت آصف علی زرداری کوئٹہ کا 3 روزہ دورہ مکمل کرکے اسلام آباد واپس روانہ ہو گئے
-
وزیراعلٰی کا مری ہسپتال پراجیکٹ کو سابق دور میں 4 ارب روپے نقصان پہنچانے پر کارروائی کا فیصلہ
-
کمپٹیشن کمیشن آف پاکستان نے پی ٹی سی ایل کی جانب سے ٹیلی نار پاکستان کے حصول کے جائزے کے دوسرے مرحلے کا آغاز کر دیا
-
موبائل کمپنیاں پانچ لاکھ سمیں بلاک کرنے پر آمادہ، مہلت مانگ لی
-
رفح پر اسرائیلی حملوں کے خوف سے لوگ ’علاج معالجہ سے گریزاں‘
-
جس نے ہمیں انتشاری ٹولہ کہا ہم ان سے کہتے آپ معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.