سردار سورن سنگھ کا اقلیتی برادری کے نوجوانوں کیلئے سکل ڈیویلپمنٹ سکولز کے قیام کا اعلان
منگل 5 اپریل 2016 22:52
پشاور ۔ 05 اپریل ( اُردو پوائنٹ اخبارتازہ ترین - اے پی پی۔05 اپریل۔2016ء )وزیر اعلیٰ خیبر پختونخوا کے معاون خصوصی برائے اقلیتی امور سردار سورن سنگھ نے اقلیتی برادری کے نوجوانوں کو ہنر مند بنانے کیلئے کوہاٹ ، بنوں اور ڈی آئی خان میں سکل ڈیویلپمنٹ سکولز کے قیام کا اعلان کرتے ہوئے کہا ہے کہ پاکستان تحریک انصاف کی صوبائی حکومت پارٹی قائد عمران خان کے وژن کے مطابق صوبے بھر کی اقلیتوں کو ہر شعبہ ہائے زندگی میں تمام سہولیات انکی دھلیز پر پہنچانے کیلئے کوشاں ہے او ر اقلیتوں کی فلاح و بہبود کیلئے کئی پروگرام شروع کر دئیے ہیں ۔
ان خیالا ت کا اظہار انہوں نے منگل کے روز کیتھولک چرچ کوہاٹ میں ویلفےئر پیکج برائے اقلیت خیبر پختونخوا کے تحت نادار خواتین میں امدادی چیک تقسیم کرنے کی تقریب سے خطاب کرتے ہوئے کیا۔(جاری ہے)
واضح رہے کہ مذکورہ پیکج کے تحت صوبے بھر کی اقلیتی برادری کی مستحق خواتین میں 1کروڑ روپے کی امدادی رقم تقسیم کی جائے گی ۔ سورن سنگھ نے کہا کہ پی ٹی آئی کی حکومت وزیر اعلیٰ خیبر پختونخوا کی ولولہ انگیز قیادت میں تمام لوگوں کو بلاامتیاز اور سستے انصاف کی فراہمی کے نعرے کو عملی جامہ پہنانے پر عمل پیرا ہے اور صوبے میں شفافیت یقینی بنانے کیلئے مختلف اداروں میں اصلاحات کررہی ہے اور اس کے مثبت نتائج بھی سامنے آرہے ہیں۔
انہوں نے اقلیتی برادری کی فلاح و بہبود کے لئے کئے گئے اقداما ت کا ذکر کرتے ہوئے کہا کہ پی ٹی آئی حکومت نے صوبے کی تاریخ میں پہلی مرتبہ اقلیتوں کے لئے مالی امداد ، سٹوڈنٹس سکالرشپ ،فری بکس اور میرج گرانٹ جیسے پروگرام شروع کئے ہیں جن کی ماضی میں مثال نہیں ملتی۔انہوں نے کہا کہ سٹوڈنٹس سکالر شپ پروگرام کے تحت نچلی سطح سے لے کر میڈیکل و انجینئرنگ کے اقلیتی طلباء کو 50ہزار روپے تک وظائف دئیے جائیں گے۔ان کا کہنا تھا کہ سکل ڈیویلپمنٹ سکولز کے فارغ التحصیل طلباء کو کورس مکمل کرنے پر متعلقہ ہنر کے کٹس اور کیش بھی دیا جائے گا تاکہ وہ عملی زندگی میں اپنا کاروبار شروع کر کے باعزت طریقے سے اپنے خاندان کی کفالت کر سکے۔قبل ازیں اقلیتی ڈسٹرکٹ کونسلر جاوید ناچیز نے بھی خطاب کیا اور اقلیتوں کو درپیش مسائل و مشکلات پر روشنی ڈالی۔مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.