سی آئی اے پولیس نے موٹر سائیکلیں چوری ،چھیننے کی 300 سے زائد وارداتوں میں ملوث منظم ریکارڈ یافتہ گروہ کے 12 ملزموں کو گرفتار کر لیا
28 لاکھ 50 ہزار روپے نقد، لاکھوں روپے مالیت کی58 موٹر سائیکلیں، ناجائز اسلحہ اور موٹر سائیکل چوری کے آلات برآمد کر لیے ہیں ملزمان چوری شدہ موٹر سائیکلیں بلوچستان اور افغانستان بھجواتے تھے جہاں ملزموں کے دیگر ساتھی یہ موٹر سائیکلیں سادہ لوح شہریوں کو فروخت کر دیتے تھے‘ایس ایس پی انویسٹی گیشن حسن مشتاق سکھیرا کی دیگر افسران کے ہمراہ پریس کانفرنس
پیر 4 اپریل 2016 22:06
لاہور( اُردو پوائنٹ اخبارتازہ ترین - این این آئی۔04 اپریل۔2016ء ) ایس ایس پی انویسٹی گیشن حسن مشتاق سکھیرا نے کہا ہے کہ سی آئی اے پولیس نے موٹر سائیکلیں چھیننے،گھروں کی جالیاں کاٹ کر اور ماسٹر کیز کے ذریعے گھروں، مارکیٹوں ، پلازوں کے علاوہ شہر کے مختلف علاقوں سے موٹر سائیکلیں چوری اور چھیننے کی 300 سے زائد وارداتوں میں ملوث منظم اور ریکارڈ یافتہ گروہ کے 12 ملزموں کو گرفتار کر کے ان سے 28 لاکھ 50 ہزار روپے نقد، لاکھوں روپے مالیت کی58 موٹر سائیکلیں، ناجائز اسلحہ اور موٹر سائیکل چوری کے آلات برآمد کر لیے ہیں ۔
یہ امر قابل ذکر ہے کہ ملزمان چوری شدہ موٹر سائیکلیں بلوچستان اور افغانستان بھجواتے تھے جہاں ملزموں کے دیگر ساتھی یہ موٹر سائیکلیں سادہ لوح شہریوں کو فروخت کر دیتے تھے۔(جاری ہے)
ان خیالات کا اظہار اُنہوں نے سی آئی اے کوتوالی میں ایک پریس کانفرنس سے خطاب کرتے ہوئے کیا اس موقع پر ایس ایس پی سی آئی اے محمد عمر ورک بھی موجود تھے ۔ایس ایس پی نے بتایا کہ گروہ کا سرغنہ عمران بٹ سابقہ ریکارڈ یافتہ ہے جو اس سے قبل موٹر سائیکل چوری اور چھیننے کی وارداتوں میں متعدد بار جیل جا چکا ہے ۔
ملزمان کی مسلسل وارداتوں نے پولیس اور شہریوں کو پریشان کر رکھا تھا۔جس پر آپریشنز و انویسٹی گیشن اور سی آئی اے کی خصوصی ٹیمیں اس گروہ کی گرفتاری کے لئے کام کر رہیں تھیں ۔ ایس ایس پی سی آئی اے محمد عمر ورک کی سربراہی میں سی آئی اے ماڈل ٹاؤن کی پولیس ٹیم نے مختلف مقدمات کے مدعیوں اور دیگر ذرائع سے حاصل ہونے والی معلومات کی روشنی میں مختلف شہروں میں چھاپے مار کر عمران عرف مانو بٹ گروہ کے 12 ملزموں کوگرفتار کر لیاہے۔ملزمان اپنے طریقہ واردات میں شہر کے مختلف علاقوں سے زیادہ تر ہنڈا 125 اور 70 سی سی ہنڈا موٹر سائیکلیں چوری کرتے تھے ۔ ملزمان نے ان موٹر سائیکلوں کو چھپانے کے لئے ایک گودام کرایہ پر لے رکھا تھاچوری شدہ اور چھینی موٹر سائیکلیں یا تو اسی گودام میں کھڑی کرتے تھے یا الصبح رینالہ خورد بائی روڈ چلا کر لے جاتے تھے۔گودام میں اکھٹی کی گئی موٹر سائیکلیں ٹرک پر لوڈ کرکے پولیس ناکوں پر چیکنگ سے بچنے کے لئے ٹرک میں لوڈموٹر سائیکلوں پر فروٹ اور کینو رکھ کر چھپا دیتے اور انہیں لورا لائی صوبہ بلوچستا ن اور افغانستان بھجوادیتے تھے جہاں ان کے دیگر ساتھی یہ موٹر سائیکلیں وصول کر کے سستے داموں فروخت کر دیتے تھے علاوہ ازیں ملزمان موٹر سائیکلوں کے انجن او چیسیز نمبر ٹمپر کر کے جعلی کاغذات تیار کر کے شیخو پورہ ، اوکاڑہ اور ننکانہ میں شریف شہریوں کو بھی فروخت کرتے تھے ۔ گرفتار ملزمان میں گروہ کا سرغنہ عمران بٹ ، عثمان بشیر ، عمران شاہ، محمد وقاص ، عمران عرف بٹ، محمد یسین ، یونس ، زاہد خان، محمد تسلیم ، ملک ایاز ، اسد ےٰسین اور امداد حسین شامل ہیں۔ دوران تفتیش ملزموں نے شہر کے مختلف علاقوں میں موٹر سائیکل چھیننے اور چوری کی 300 سے زائد وارداتوں کااعتراف کیاہے ۔ ملزموں کی نشاندہی پر پولیس نے لاکھوں روپے مالیت کی 58 چوری اور چھینی موٹر سائیکلیں ، 28لاکھ 50 ہزار روپے نقد ، ناجائز اسلحہ ، ماسٹر کیز اور موٹر سائیکل چوری کے لئے استعمال ہونے والے دیگر آلات برآمد کیے ہیں۔حسن مشتاق سکھیرا نے کہا کہ مذکورہ بالا گروہ کی گرفتاری سے شہر میں موٹر سائیکل چوری اور چھیننے کی وارداتوں میں انشا اﷲ نمایاں کمی آئے گی جبکہ موٹر سائیکل چوری کی وارداتوں میں ملوث دیگر گروہوں کی گرفتاری کے لئے پولیس ٹیمیں شب و روز سرگرم عمل ہیں اور انشا اﷲ بہت جلد ہم آپ کو اس حوالے سے خوشخبری دیں گے ۔مزید قومی خبریں
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
-
بانی پی ٹی آئی نے خواتین کی گرفتاریوں پر تشویش کا اظہار کیا،شیر افضل مروت
-
فیصل آباد، مبینہ پولیس مقابلہ کے دوران گولی لگنے سے ایک ڈاکو زخمی حالت میں گرفتار
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.