صحرائے تھر میں گرمی کی شدت میں اضافے کے باعث ڈائریا اور گیسٹرو کے امراض پھیلنا شروع ہو گئے ہیں،حافظ عبدالرؤف
پیر 4 اپریل 2016 20:55
پنگریو (اُردو پوائنٹ اخبارتازہ ترین - این این آئی۔04 اپریل۔2016ء) شدید خشک سالی اور قحط کے شکار صحرائے تھر میں گرمی کی شدت میں اضافے کے باعث ڈائریا اور گیسٹرو کے امراض پھیلنا شروع ہو گئے ہیں آلودہ اورمضر صحت پانی کے استعمال کے باعث پنگریو سے متصل تھری علاقوں سمیت مختلف قصبوں اور دیہاتوں میں گیسٹرو اور ڈائریا کے مرض نے وبائی صورت اختیار کر لی ہے جس کی وجہ سے تھر پار کر میں ایک نئے انسانی المیے کے جنم لینے کا خدشہ ہے اس متوقع صورتحال سے نمٹنے کے لئے تھر پار کر میں سرگرم ریلیف ادارے فلاح انسانیت فاؤنڈیشن نے تیاریاں شروع کر دی ہیں فلاح انسانیت فاؤنڈیشن کے مرکزی چئیرمین حافظ عبدالرؤف فلاح انسانیت فاؤنڈیشن کی ان تیاریوں اور ریلیف کے دیگر پروجیکٹوں کا جائزہ لینے کے لئے دو روزہ دورہ پر تھر پار کر پہنچ گئے ہیں ایف آئی ایف کے ترجمان خالد سیف کے مطابق حافظ عبدالرؤف نے تھر پار کر پہنچ کر مختلف علاقوں میں جاری ریلیف اور دیگر فلاحی کاموں کا دورہ کیا اور خشک سالی، غذائی قلت، مختلف امراض کے شکار تھر ی باشندوں سے ملاقاتیں کیں اور واٹر پروجیکٹ کے مختلف منصوبوں کا بھی دورہ کیا حافظ عبدالرؤف نے متاثرین سے بات چیت کرتے ہوئے کہا کہ فلاح انسانیت فاؤنڈیشن نے تھرپار کر میں شدید خشک سالی، غذائی قلت اور مختلف امراض کے باعث پید اہونے والے انسانی المیئے کے بعد مختلف شعبوں میں ریلیف اور بحالی آپریشن شروع کیا تھا جس پر اب تک کروڑوں روپے خرچ ہوچکے ہیں ایف آئی ایف نے نہ صرف امدادی کام انجام دیئے ہیں بلکہ پانی کی فراہمی کے لئے واٹر پروجیکٹ ، شیلٹر پروجیکٹ، ادویات کی فراہمی، موسم کے لحاظ سے ملبوسات کی تقسیم اور دیگر مدوں میں تھری بھائیوں کی خدمات کا سلسلہ جاری ہے انہوں نے کہا کہ ایف آئی ایف ملک کے مخیر اور درد دل رکھنے والے صاحب ثروت افراد کے تعاون سے یہ ریلیف کام انجام دے رہی ہے انہوں نے کہا کہ تھر پار کر میں گرمی کا موسم سیزن شروع ہوتے ہی ڈائریا اور گیسٹرو کا مرض پھیلنا شروع ہو گیا ہے جو کہ خطرے کی نئی گھنٹی ہے انہوں نے کہا کہ تھر پار کر میں اب بھی بڑی تعداد میں لوگ پینے کے صاف پانی اور مناسب غذا سے محروم ہیں جس کی وجہ سے موسم گرما میں ڈائریا اور گیسٹرو کا مرض وبائی صورت اختیار کر سکتا ہے فلاح انسانیت فاؤنڈیشن اس متوقع صورتحال سے نمٹنے کے لئے تیاریاں کر رہی ہے اور متاثرہ مریضوں کے لئے ادویات، خشک راشن ، منرل واٹر کی فراہمی کابندوبست کیا جارہا ہے حافظ عبدالرؤف نے ملک کے شمالی علاقوں میں ہونے والی تباہ کن بارشوں میں ہونے والے جانی اورمالی نقصان پر گہرے افسوس کا اظہار کیا اور کہا کہ فلاح انسانیت فاؤنڈیشن نے اپنی روایات کو برقرار رکھتے ہوئے شمالی علاقہ جات اورخیبر پختونخواہ کے دیگر حصوں میں ہونے والے جانی ومالی نقصانات سے متاثرہ علاقوں میں ریسکیو اور ریلیف آپریشن شروع کر دیاہے اور متاثرین کو ہر ممکن امداد فراہم کی جارہی ہے۔
مزید قومی خبریں
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
-
عدالت نے فواد چودھری کو گرفتار کرنے سے روک دیا
-
وزیراعلیٰ مریم نواز کا ایئر ایمبولینس سروس کے دائرہ کار کو وسعت دینے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.