اسلام دین امن و سلامتی ہے، تنگ نظری اور انتہا پسندی کے الاؤ میں وہ لوگ جل رہے ہیں ،تحریک منہاج القرآن

امن کی بحالی کیلئے ضروری ہے کہ آقا ﷺ کی ذات سے تعلق کو پختہ کیا جائے،ذات سے تعلق مضبوط ہو گا تو آپؐ کی سیرت کو سمجھنے اور اس پر عمل کرنے کی تحریک ملے گی، میلاد مصطفےٰ کانفرنس میں خطاب

جمعہ 1 اپریل 2016 22:20

فیصل آباد (اُردو پوائنٹ اخبارتازہ ترین - آن لائن۔یکم اپریل۔2016ء)تحریک منہاج القرآن کے مرکزی نائب ناظم اعلیٰ دعوت مفتی ارشاداحمدسعیدی،ضلعی امیرسیدہدایت رسول قادری نے کہاہے کہ اسلام دین امن و سلامتی ہے۔ تنگ نظری اور انتہا پسندی کے الاؤ میں وہ لوگ جل رہے ہیں جنہوں نے اسلام کی روح کو سمجھا نہیں۔ جس دل میں نبی کریمﷺ کی ذات سے محبت کے چشمے پھوٹتے ہیں وہ کسی جانور کو بھی گزند پہنچانے کا تصور نہیں کر سکتا۔

امن کی بحالی کیلئے ضروری ہے کہ آقا ﷺ کی ذات سے تعلق کو پختہ کیا جائے۔ذات سے تعلق مضبوط ہو گا تو آپؐ کی سیرت کو سمجھنے اور اس پر عمل کرنے کی تحریک ملے گی۔ ان خیالات کااظہار انہوں نے پی پی65زیراہتمام اقبال ٹاؤن میں میلاد مصطفےٰ کانفرنس میں خطاب کرتے ہوئے کیا ۔

(جاری ہے)

اس موقع پرامیرعلماء کونسل علامہ عزیزالحسن اعوان،علامہ ریاض احمدکھرل،رانا رب نواز انجم،میاں کاشف محمود،زبیب مسعودشاہ،اﷲ رکھانعیم ،رانامحمدادریس،حاجی امین القادری،میاں انصرمحمود،میاں ظہور،طارق نعیم،شاہدسلیم،عاصم نعیم،ملک سرفرازقادری،آصف عزیز،عامر حسین بھی موجودتھے۔

ہدایت رسول قادری نے کہا کہ باطن کو نور اور امن سے مزین کرنے کیلئے حضور ﷺ کا ادب سیکھنا ہو گا۔حضور ﷺ کے ادب سے عاجزی اور انکساری آئے گی اور معاشرے میں محبت کی خوشبو پھیلے گی اور جس دل میں محبت کا سمندر موجزن ہو جائے اس جسم سے دوسرے کیلئے سلامتی اورمحبت کے رویے ہی پھوٹ سکتے ہیں۔انہوں نے کہاکہ امت کو نعمت اسلام اور معرفت الٰہی مصطفی ﷺ کے میلاد کے صدقہ نصیب ہوئی اور پورا قرآن حضور کے اخلاق اور سیرت پر اعلیٰ کتاب ہے۔

محبت اور ادب ایمان کی متاع ہے آج داخلی اور خارجی قیام امن کیلئے محنت کی ضرورت ہے ۔من کی دنیا کو نبی کریمﷺ کی محبت سے سیراب کرنا ہو گا۔نفسانی خواہشات کو ختم کر کے باطن کو تقوی،طہارت،توحید الٰہی اور محبت رسول ﷺ سے اجالا کر لیا جائے تو امت کا ہر فرداپنے اپنے ملک میں امن و سلامتی بکھیرنے والا بن جائے گا ۔

Facebook Twitter Google + Share on Whatsapp

اسلام دین امن و سلامتی ہے، تنگ نظری اور انتہا پسندی کے الاؤ میں وہ لوگ جل رہے ہیں ،تحریک منہاج القرآن

مزید قومی خبریں