وزیر داخلہ چوہدری نثار علی خان سے ایران کے سفیر مہدی ہنر دوست کی ملاقات
ملاقات کے دوران پاک ایران دوطرفہ تعلقات، ایرانی صدر کے حالیہ دورہ پاکستان اور بلوچستان سے ”را“ کے ایجنٹ کی گرفتاری کے حوالے سے ایرانی حکومت سے طلب کی جانے والی معاونت کے بارے میں امور پر تبادلہ خیال ہوا ایران کی حکومت ان تمام امور پر مکمل تعاون فراہم کرے گی جو پاکستان اور ایران کی سلامتی اور ترقی کو یقینی بناتے ہیں،ایرانی سفیر کی یقین دہانی
جمعہ 1 اپریل 2016 20:51
اسلام آباد ۔ یکم اپریل (اُردو پوائنٹ اخبارتازہ ترین - اے پی پی۔یکم اپریل۔2016ء) وزیر داخلہ چوہدری نثار علی خان نے کہا ہے کہ پاکستان اور ایران عشروں پرانے مذہبی، سماجی، ثقافتی اور سیاسی رشتوں میں بندھے ہوئے ہیں اور پاک ایران برادرانہ تعلقات کی راہ میں کوئی چیز حائل نہیں ہو سکتی۔ انہوں نے یہ بات پاکستان میں ایران کے سفیر مہدی ہنر دوست سے گفتگو کرتے ہوئے کہی جنہوں نے جمعہ کو یہاں پنجاب ہاؤس میں ان سے ملاقات کی۔
ملاقات کے دوران پاک ایران دوطرفہ تعلقات، ایرانی صدر کے حالیہ دورہ پاکستان اور بلوچستان سے ”را“ کے ایجنٹ کی گرفتاری کے حوالے سے ایرانی حکومت سے طلب کی جانے والی معاونت کے بارے میں امور پر تبادلہ خیال ہوا۔ وزیر داخلہ اور ایرانی سفیر نے ایرانی صدر کے دورہ پاکستان پر اطمینان کا اظہار کیا۔(جاری ہے)
وزیر داخلہ نے کہا کہ حالیہ اعلیٰ سطح کے دورے کو تمام ممکنہ شعبوں میں پاک ایران تعلقات کو مزید گہرا کرنے اور مضبوط بنانے کے لئے بھرپور انداز میں بروئے کار لایا جانا چاہئے۔
ہمیں ماضی کے ثمرات کو تقویت دینے اور دونوں ممالک کے عوام کے باہمی مفاد میں یکساں چیلنجوں پر قابو پانے اور مشترکہ مقاصد کے حصول کے لئے مل کر کام کرنے کی ضرورت ہے۔ وزیر داخلہ نے کہا کہ بین الاقوامی فورمز پر خطے میں مختلف ایشوز پر ہمارا مشترکہ موقف ہمارے حریفوں کو دونوں ممالک کے خلاف کسی بھی طور پر منفی انداز میں اثرانداز ہونے سے روکے گا۔ ایرانی سفیر نے وزیر داخلہ کو یقین دلایا کہ ایران کی حکومت ان تمام امور پر مکمل تعاون فراہم کرے گی جو پاکستان اور ایران کی سلامتی اور ترقی کو یقینی بناتے ہیں۔ انہوں نے کہا کہ دونوں ممالک کے درمیان اچھے تعلقات دوطرفہ تجارت اور ترقیاتی منصوبوں میں نمایاں طور پر بہتری کے حامل نتائج کی صورت میں سامنے آنے چاہئیں۔ ہمیں دوطرفہ تعلقات کے مزید استحکام کی راہ میں حائل رکاوٹوں کو دور کرنا ہوگا۔ ایرانی سفیر نے ایران کے صدر کے نہایت کامیاب دورہ کے باوجود دونوں ممالک کے درمیان تعلقات پر منفی اثر ڈالنے کے لئے بعض ذرائع ابلاغ کی کوششوں پر افسوس کا اظہار کیا۔ وزیر داخلہ نے کہا کہ پاکستان میں میڈیا آزاد ہے لیکن اس کا مطلب یہ نہیں کہ ہم کسی کو اپنے تعلقات پر اثر انداز ہونے کی اجازت دیں گے۔ انہوں نے کہا کہ پاکستانی معاشرہ کے تمام طبقات پاک ایران تعلقات کو مضبوط بنانے کے لئے اپنی حمایت میں متفق ہیں۔متعلقہ عنوان :
مزید اہم خبریں
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
-
فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، ریونیوکلیکشن بڑا چیلنج ہے‘شہبازشریف
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں ، وفاقی وزیررانا تنویر حسین
-
حکومت عوام کو پیپلز بس سروس کی صورت میں جدید، موثر، محفوظ پبلک ٹرانسپورٹ سسٹم فراہم کرنے کے اپنے عزم کو پورا کررہی ہے۔وزیراعلی سندھ
-
نائب وزیراعظم اوروزیرخارجہ سینیٹر محمد اسحاق ڈار اور سعودی وزیر خارجہ کا مشرق وسطی میں حالیہ پیش رفت پر گہری تشویش کا اظہار، غزہ میں فوری جنگ بندی کا مطالبہ
-
وفاقی وزیرعبدالعلیم خان کا سمبڑیال کھاریاں موٹروے کا دورہ،جلد تکمیل کی ہدایت
-
نائب وزیراعظم اور وزیر خارجہ، محمد اسحاق ڈار کا کویت کے ساتھ روایتی طور پر برادرانہ تعلقات کو باہمی طور پر فائدہ مند اقتصادی شراکت داری میں تبدیل کرنے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.