سرکاری زمینوں پر قبضہ کرنیوالوں کو جرم کی سزا بھگتنا پڑے گی،سپریم کورٹ
قبضہ عوامی حقوق غصب کرنے کے مترادف ہے ، سرکاری زمینیں عوام کی ملکیت اور قومی اثاثہ ہیں، عوام کیحقوق کسی کو غصب کرنے کی اجاز ت نہیں دیں گے سپریم کورٹ نے سند ھ کے علاقے ٹھٹھ میں 13سو 7ایکٹر اراضی پر لیز ،قبضہ اور جعلی دستاویزات کیس کے ملزم ملک شاہد کی درخواست ضمانت خارج کر دی
جمعرات 31 مارچ 2016 18:36
اسلام آباد (اُردو پوائنٹ اخبارتازہ ترین - آن لائن۔31 مارچ۔2016ء ) سپریم کورٹ نے قرار دیا کہ سرکاری زمینوں پر قبضے کرنے والوں کو اپنے جرم کی سزا بھگتنا پڑے گی سرکاری زمینوں پر قبضہ کرنے کا اقدام عوامی حقوق کو غصب کرنے کے مترادف ہے جبکہ سپریم کورٹ عوام کے بنیادی حقوق کی محافظ ہے، سرکاری زمینیں عوام کی ملکیت ہیں اور قومی اثاثہ ہیں، اور عوام کے ملکیتی حقوق کسی کو غصب کرنے کی اجاز ت عدالت نہیں دے گی، سپریم کورٹ نے سند ھ کے علاقے ٹھٹھ میں 13سو 7ایکٹر اراضی پر لیز ،قبضہ اور جعلی دستاویزات سے متعلق کیس میں ملزم ملک شاہد احمد کی درخواست ضمانت خارج کر دی ہے ،جبکہ دوران سماعت ریمارکس دیتے ہوئے چیف جسٹس پاکستان جسٹس انور ظہیر جمالی نے کہا کہ سندھ کا جو حال ہے وہ لفظوں میں بیان نہیں کر سکتے، پچھلی تاریخوں میں سیل ڈیڈ تیار کروانا کراچی شہر میں کوئی مسئلہ نہیں، جسٹس انورظہیر جمالی نے طارق ایڈوکیٹ کو مخاطب کرتے ہوئے کہا کہ طارق صاحب جب بھی جعلی ڈیڈ بنانی ہو تو کراچی چلے جائیں، سندھ کے کچھ غریب سرکاری ملازم ایسے ہیں جو ہر سال لینڈ کروزر تبدیل کرتے ہیں ، آپ کے دلائل ہیں کہ چور سے مال برآمد کر لیا اب چھوڑ دیا جائے ، جسٹس سردار طارق خان نے کہا کہ کیا حکومتی نقصان پورا ہونے کے بعد جرم ختم ہو جاتا ہے ؟ ملزم کے وکیل طارق محمود ایڈوکیٹ نے دلائل دیتے ہوئے کہا کہ میرے موکل تمام اراضی اور اس کا قبضہ حکومت کو واپس کر چکے ہیں ، ابھی تک فرد جرم عائد نہیں ہو سکی ضمانت دی جائے ، پراسکیوٹر ناصر مغل نے کہا کہ ریفرنس فائل ہوچکا ہے، ملزم نے اراضی کی لیز اور ملکیت سے متعلق جعلی دستاویزات مہیا کر دی ہیں جمعرات کے روز چیف جسٹس پاکستان جسٹس انور ظہیر جمالی کی سربراہی میں تین رکنی بنچ نے کیس کی سماعت کی عدالت نے ملزم کی ضمانت درخواست خارج کرتے ہوئے کیس نمٹا دیا۔
مزید اہم خبریں
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
-
عمران خان نے سنی اتحاد کونسل کے سربراہ حامد رضا کو پبلک اکاﺅنٹس کمیٹی کے چیئرمین کے عہدے کے لیے نامزد کردیا
-
پاکستان کی چینی کاروباری اداروں کو پاکستان میں سرمایہ کاری کی دعوت
-
وزیرقانون کی بین الاقوامی پارلیمنٹرین کانگریس کے وفد سے ملاقات،وزیر قانون کو تنظیم کے کام اور مشن بارے آگاہ کیا
-
وزیراعظم نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کیلئے ڈیجیٹل ٹولز کا استعمال ضروری ہے، جام کمال خان
-
چیئرمین سینیٹ سے امریکی سفیر کی ملاقات، دوطرفہ تعلقات پر گفتگو
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
معاشی استحکام کے لیے وفاق اور صوبوں کو قریبی تعلق بنانا پڑے گا، وزیراعظم
-
وفاقی وزیر قانون و انصاف سینیٹر اعظم نذیر تارڑ سے بین الاقوامی پارلیمنٹرین کانگریس (آئی پی سی) کے وفد کی ملاقات
-
ایران کے ساتھ تجارتی معاہد وں پر امریکا کی پاکستان کو پابندیاں عائدکرنے کی دھمکی
-
ایرانی صدر ابراہیم رئیسی سری لنکا کے دورے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.