سٹیٹ بینک آف پاکستان نے نجی شعبہ کو کم شرح منافع پر سرمائے کی فراہمی کیلئے کلیدی کردار ادا کیا ،سید ضیاء علمدار حسین
بدھ 30 مارچ 2016 20:20
فیصل آباد (اُردو پوائنٹ اخبارتازہ ترین - این این آئی۔30 مارچ۔2016ء) سٹیٹ بینک آف پاکستان نے نجی شعبہ کو کم شرح منافع پر سرمائے کی فراہمی کیلئے کلیدی کردار ادا کیا ہے جبکہ بینک کے قابل عمل ریگولیٹری اقدامات اور فنانشل ڈسپلن نے قومی معیشت کو پائیدار ترقی کے راستے پر ڈال دیا ہے۔ یہ بات فیصل آباد چیمبر آف کامرس اینڈ انڈسٹری کے سینئر نائب صدر سید ضیاء علمدار حسین نے سٹیٹ بینک آف پاکستان فیصل آباد میں نیشنل انسٹیٹیوٹ آف بینکنگ اینڈ فنانس کے 46 ویں تربیتی کورس سے شرکاء سے خطاب کرتے ہوئے کہی۔
انہوں نے کہا کہ تین سال قبل جب موجودہ حکومت نے چارج سنبھالا تو ملکی معاشی صورتحال انتہائی دگرگوں تھی ۔ تاہم اب شرح سود 5.5 فیصد کی کم ترین سطح پر آچکی ہے جبکہ نجی شعبہ کو اس کی ضروریات کے مطابق سرمایہ بھی دستیاب ہے۔(جاری ہے)
اسی طرح سٹیٹ بینک کی پالیسیوں اور اقدامات کی وجہ سے لانگ ٹرم فنانس کی شرح بھی کم ہوئی ہے ۔ انہوں نے کہا کہ فنانشل ڈسپلن کی وجہ سے پاکستان میں صنعتی تجارتی اور کاروباری سرگرمیوں میں برابر اضافہ ہو رہا ہے اور اس کا تمام تر کریڈٹ موجودہ حکومت اور سٹیٹ بینک کو جا تا ہے۔
توانائی بحران پر قابو پانے کے حوالے سے ایک سوال کا جواب دیتے ہوئے سید ضیاء علمدار حسین نے بتایا کہ یہ صرف مینجمنٹ کا مسٔلہ تھا۔ تین سال پہلے سے اب حالات یکسر مختلف ہیں۔ پاکستان کی صنعتوں کو اب 24 گھنٹے بجلی اور گیس مل رہی ہے جبکہ حکومت مجموعی طور پر کاسٹ آف ڈوئنگ بزنس کو کم کرنے اور اسے علاقائی ملکوں کے برابر لانے کیلئے کوشاں ہے جس سے برآمدات کو بڑھانے میں بھی مدد ملے گی۔ انہوں نے پاکستان کیلئے جی ایس پی پلس کی سہولت کو بھی سراہا اور کہا کہ اگرچہ اس سہولت کے بدلے میں پاکستان کو ماحول، لیبر اور خواتین سمیت اقوام متحدہ کے 27 کنونشنز اور پروٹوکول پر عمل کرنا ضروری ہے تاہم توقع ہے کہ پاکستان کو یہ سہولت دس سال تک ملتی رہے گی اور اس کے نتیجہ میں پاکستان کی معیشت موجودہ بحرانوں سے مکمل طور پر نجات پالے گی۔ انہوں نے مزید کہا کہ چین بھی پاکستان میں 46 بلین ڈالر کی سرمایہ کاری کر رہا ہے جس سے پاکستان کی معیشت پر مثبت اثرات مرتب ہونگے۔ اس سے قبل فیصل آباد اور فیصل آباد چیمبر آف کامرس اینڈ انڈسٹری کا تعارف کراتے ہوئے سابق ایگزیکٹو ممبر احتشام جاوید نے کہا کہ فیصل آباد چیمبر آف کامرس اینڈ انڈسٹری ملک کا تیسرا بڑا چیمبر ہے جس کے ممبران کی تعداد 5 ہزار ہے ۔ اس شہر کو ٹیکسٹائل کی وجہ سے ملک کے ٹیکسٹائل کیپیٹل کے طور پر جانا جاتا ہے ۔ فیصل آباد کو یہ اعزاز بھی حاصل ہے کہ یہ ٹیکسٹائل کی کل 13 ارب ڈالر کی برآمدات میں سے 6 ارب ڈالر کا حصہ ڈال رہا ہے۔ اس طرح کراچی کے بعد ملک کیلئے سب سے زیادہ محصولات دینے کا اعزاز بھی فیصل آباد کو حاصل ہے۔ انہوں نے بتایا کہ فیصل آباد چیمبر حکومت اور فیصل آباد کے تاجروں کے درمیان پل کا کردار ادا کرتا ہے۔ اسی طرح غیر ملکی سفرأ بھی اکثر و بیشتر فیصل آباد کا دورہ کرتے ہیں جس کی وجہ سے دوسرے ممالک سے دو طرفہ تجارتی تعلقات بڑھانے کی بھی راہ ہموار ہوئی ہے۔ انہوں نے بتایا کہ فیصل آباد واحد چیمبر ہے جس نے اب تک کئی ملکوں سے مفاہمتی یاد داشتوں پر دستخط کئے گئے اور اس طرح یہ دنیا بھر کی تاجر برادری میں رابطے کا بھی ایک اہم ذریعہ بن چکا ہے۔ اس موقع پر سٹیٹ بینک آف پاکستان فیصل آباد کے ڈپٹی چیف منیجر اکمل جاوید، فوزیہ اسلم اور اسسٹنٹ چیف منیجر مسٹر فہیم اور محمد رفیق نے بھی خطاب کیا جبکہ تربیتی کورس کے شرکاء میں تاجکستان، ترکمانستان، ویتنام، گھانا، زمبابوے ، نمبیا۔ سوڈان۔ ملائیشیا، نیپال اور ترکی سمیت 15 ملکوں کے مرکزی بینکوں کے 20 مندوب شامل تھے۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.