سالانہ 50 لاکھ ڈالر برآمدات والے ادارے ”لانگ ٹرم فنانس فسیلیٹی“ سے استفادہ کرسکیں گے، سٹیٹ بینک

بدھ 30 مارچ 2016 13:16

اسلام آباد ۔ 30 مارچ (اُردو پوائنٹ اخبارتازہ ترین - اے پی پی۔30 مارچ۔2016ء) سالانہ 50 لاکھ ڈالر یا اپنی مجموعی فروخت کا 50 فیصد حصہ برآمد کرنے والے ادارے ”لانگ ٹرم فنانس فسیلیٹی“ (ایل ٹی ایف ایف) سے استفادہ کرسکیں گے۔

(جاری ہے)

سٹیٹ بینک آف پاکستان نے اپنے ایک بیان میں کہا ہے کہ لانگ ٹرم فنانسنگ کی سہولت ملکی برآمدات کے فروغ میں معاون ثابت ہوگی اور سالانہ پانچ ملین ڈالر یا اپنی مجموعی فروخت کا پچاس فیصد حصہ برآمد کرنے والے مقامی ادارے/ صنعتیں اس سہولت سے استفادہ کرسکیں گے اور انہیں قرضے کی سہولت دس سال کے لئے فراہم کی جائے گی جس میں دو سال کا رعایتی عرصہ بھی شامل ہوگا۔

سٹیٹ بینک نے کہا کہ ایسے ادارے تین ‘ پانچ ‘دس سال کی مختلف مدتوں کے لئے یہ سہولت حاصل کرسکیں گے اور قرضے کی اس سہولت پر شرح سود چھ فیصد جبکہ ٹیکسٹائل سے منسلک اداروں کے لئے فیصد سالانہ ہوگی۔ اقتصادی ماہرین نے کہا ہے کہ برآمدات سے منسلک ادارے کم شرح سود پر قرضوں کے حصول سے اپنی برآمدات کو بڑھا سکیں گے جس سے نہ صرف ملکی معیشت کے استحکام بلکہ روزگار کے نئے مواقع پیدا کرنے میں بھی مدد حاصل ہوگی۔

Facebook Twitter Google + Share on Whatsapp

سالانہ 50 لاکھ ڈالر برآمدات والے ادارے ”لانگ ٹرم فنانس فسیلیٹی“ سے استفادہ کرسکیں گے، سٹیٹ بینک

متعلقہ عنوان :

مزید تجارتی خبریں