وزیراعظم ،وزیراعلیٰ پنجاب اوروفاقی وزیر داخلہ کا جناح ہسپتال کا دورہ ،زخمیوں کی عیادت
آخری دہشت گرد کے خاتمے تک چین سے نہیں بیٹھیں گے،ہمارے بچوں، بہنوں، ماؤں اوربیٹیوں کو مارنیوالے سفاک درندوں سے بدلہ ضرور لیا جائیگا،سانحہ گلشن اقبال پارک کے سہولت کاروں کو جلد قانون کے کٹہرے میں لائینگے‘وزیراعلیٰ محمد شہبازشریف
پیر 28 مارچ 2016 21:38
لاہور( اُردو پوائنٹ اخبارتازہ ترین - این این آئی۔28 مارچ۔2016ء) وزیراعظم محمد نوازشریف، وزیراعلیٰ پنجاب محمد شہباز شریف اوروفاقی وزیر داخلہ چوہدری نثار علی خان نے جناح ہسپتال کا دورہ کیا اور سانحہ گلشن اقبال پارک کے زخمیوں کی عیادت کی۔ وزیراعظم،وزیراعلیٰ پنجاب اوروفاقی وزیر داخلہ مختلف وارڈز میں گئے اورسانحہ گلشن اقبال پارک کے جناح ہسپتال میں زیر علاج زخمیوں کی عیادت کی اورانہیں دی جانے والی طبی سہولتوں کا جائزہ لیا۔
وزیراعظم،وزیراعلیٰ پنجاب اوروفاقی وزیر داخلہ فرداً فرداً زخمیوں کے پاس گئے اوران کی خیریت دریافت کی اورگزشتہ روزپیش آنے والے المناک سانحہ کی تفصیلات بھی معلوم کیں۔ اس موقع پروزیراعظم اوروزیراعلیٰ نے ہسپتال انتظامیہ کو ہدایت کی کہ زخمیوں کو بہترین طبی سہولتیں فراہم کی جائیں اور ان کا ہر طرح سے خیال رکھا جائے۔(جاری ہے)
وزیراعلیٰ محمد شہبازشریف نے اس موقع پر گفتگو کرتے ہوئے کہا کہ سانحہ گلشن اقبال پارک دہشت گردی کا بدترین واقعہ ہے جس کی جتنی بھی مذمت کی جائے کم ہے ،اس المناک واقعہ نے ہر پاکستانی کو رنجیدہ اورہر آنکھ کو اشکبار کیا ہے ۔
قوم جاں بحق ہونے والے افراد کے لواحقین کے غم میں برابر کی شریک ہے۔ انہوں نے کہا کہ جنہوں نے ہمارے بچوں، بہنوں، ماؤں اوربیٹیوں کو مارا ہے اس کا بدلہ ضرور لیا جائے گااورجب تک آخری دہشت گرد کا خاتمہ نہیں ہو جاتا، ہم چین سے نہیں بیٹھیں گے۔ گلشن اقبال پارک کا افسوسناک واقعہ بہت بڑا سانحہ ہے جس میں معصوم لوگوں کو نشانہ بنایا گیا ہے۔ وزیراعلیٰ نے کہا کہ میں دہشت گردی کے خاتمے کیلئے خون کا آخری قطرہ بہا دوں گااورمعصوم لوگوں کی زندگیوں سے کھیلنے والے سفاک درندوں کوکسی صورت نہیں چھوڑا جائے گا۔ وزیراعلیٰ نے کہا کہ سانحہ گلشن اقبال پارک کے سہولت کاروں کو جلد سے جلد قانون کے کٹہرے میں لائیں گے اوریہ سفاک درندے بدترین انجام سے دوچار ہوں گے۔دریں اثناء وزیراعظم محمد نوازشریف کی زیرصدارت ماڈل ٹاؤن میں ہونے والے اہم اجلاس میں وزیراعلیٰ پنجاب محمد شہبازشریف اور وفاقی وزیر داخلہ چوہدری نثار علی خان نے شرکت کی ۔اجلاس میں سانحہ گلشن اقبال پارک کے حوالے سے مختلف امور کا جائزہ لیا گیا۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.